بەڕێوەبەرایەتی پۆلیسی پارێزگای #سلێمانی# ڕایدەگەیەنێت، کە لە مانگی شوباتدا 177 کەس بە تاوانی جۆراوجۆر دەستگیرکراون.
کەمێک پێش ئێستا، بەڕێوەبەرایەتی پۆلیسی پارێزگای سلێمانی، ئاماری دەستگیرکراوانی بۆ مانگی (2 ی 2018) بڵاوکردەوە.
بەپێی ڕاگەیەندراوەکەی پۆلیسی سلێمانی، حاڵەتەکانیش بەمجۆرەن:
1. دەستگیرکردنی 65 کەس بە تۆمەتی ئەنجامدانی دزی جۆراوجۆر.
2. دەستگیرکردنی 18 کەس بە تۆمەتی ئەنجامدانی فێڵکردن.
3. دەستگیرکردنی 13 کەس بە تۆمەتی هەڵگرتنی چەکی بێ مۆڵەت.
4. دەستگیرکردنی 7 کەس بە تۆمەتی خراپ بەکارهێنانی ئاماێرەکانی پەیوەندیکردن.
5. دەستگیر کردنی 1 کەس بە تۆمەتی دەستوەردان لەکارو باری دادگا.
6. دەستگیر کردنی 7 کەس بە تۆمەتی ساختەکاریی لەمۆر و هێما و پول.
7. دەستگیرکردنی 47 کەس بە تۆمەتی هەڕەشەکردن.
8. دەستگیر کردنی 5 کەس بە تۆمەتی هێرشکردنە سەر فەرمانبەری دەوڵەت.
9. دەستگیرکردنی 9 کەس بە تۆمەتی ڕاوکردنی نایاسایی.
10. دەستگیرکردنی 5 کەس بە تۆمەتی ئەنجامدانی توندوتیژی خێزانی.[1]
#08-03-2018#