#عەدالەت عەبدوڵڵا#
2018
ئەنفال و جینۆساید لە باشووری کوردستاندا، ناونیشانی 12 یەمین کتێبی چاپکراوی نووسەر ڕۆژنامەنووس عەدالەت عبدوڵایە تا ساڵی (2018)، لە 180 لاپەرەی قەبارە A5 پێکهاتووە ناوەڕۆکی کتێبەکە له پێنج تەوەر پێکهاتووە.
تەوەری یەکەم : تایبەتە بە (ئەنفال و ئەویتری عەرەبی)، تیایدا نوسەر کایەی ڕۆشنبیری و میدیایی عەرەبی پشکنیوه و نموونەی کۆمەڵێک بیرمەندی هێناوەتەوە.
تەوەری دووەم : پێشەکی و ڕانان و خوێندنەوەی بۆ چەند کتێبێک هەیە کە لەبارەی ئەنفال و جینۆسایدەوە چاپکراون و بە خوێنەریان دەناسێنێت.
تەوەری سێیەم : تەرخانە بۆ پرسی ئەنفال لە کۆمەڵێک ڕەهەندی جیاجیاوە.
تەوەری چوارەم: تایبەت بە کۆمەڵێک تێزو بیرۆکە سەبارەت بە دۆزی ئەنفال.
تەوەری پێنجەم : کە دوا تەوەرە، کۆمەڵێک دیدی ڕەخنەیی تێدایە لەبارەی مامەڵەکردن لەگەڵ دۆزی ئەنفال و قوربانیانی ئەنفالدا.
ئەم کتێبە لە بڵاوکراوەکانی بەڕێوەبەرایەتیی گشتی کاروباری شەهیدان و ئەنفالکراوانی پارێزگای سلێمانییە