حکومەتا هەرێما کوردستانێ بڕیاردا ب 350 ملیون دینارێن ئیراقی زرارڤێکەڤتیێن لەهیێن بارانێن 5-ێ ڤێ مەهێ ل #دهۆک# قەرەبوو بکەن.
پارێزگەها دهۆک راگەهاندیە، ب بڕیارا نێچیرڤان بارزانی سەرۆکێ حکومەتا هەرێما کوردستانێ، ئەڤڕۆ چوارشەمبی 9-ێ ئایارێ، کوژمێ 350 ملیون دیناران، دێ لسەر وان خێزانان هێنە دابەشکرن یێن زرار گەهشتینە مالێن وان.
جەهوەر عەلی، دەرڤەدارێ دهۆک بۆ دواڕۆژ گۆت 183 ملیون دینار بۆ زرارڤێکەڤتیێن قەزا دهۆک هاتینە دیارکرن و کۆژمێ دی ژی دێ بۆ زرارڤێکەڤتیین دەوروبەرێن دهۆک بیت.
ناڤبۆری خوەیاکر پارە دێ برێکا چەند لیژنەیێن دەڤەرداریێ ب پشتبەستن ب راپۆرتێن وان یێن دیڤچوونا زرارڤێکەڤتیان هێنە دابەشکرن کو ژمارا ئه و خێزانێن دێ پارەیان ل سەنتەرێ دهۆک واتە قەزایا پارێزگەها دهۆک وەرگرن 217 خێزانن.
رۆژا 5-ێ ڤێ، مەهێ ژ بەرلەهیێن بارانان نیزیکی 60 خانیان ل سەنتەرێ پارێزگەها دهۆک لسەر رووبارێ هشکەروو بن ئاڤ بوون و لسەر رێکا دناڤبەرا دهۆک و ناحیا فەیدیێ ژی دا 4 کەس د ئاڤێ دا خەندقین.[1]
#09-05-2018#
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 2,796 جار بینراوە
ڕای خۆت دەربارەی ئەم بابەتە بنووسە!