دواڕۆژ، بورهان یەحیا
سەرۆکێ ژۆرا بازرگانی و پیشەسازییا دهۆک راگەهاند نزمبوونا بهایێ تیمەنێ ئیرانی هەمبەر دۆلاری وەکرییە کێمتر کەرستە و ژ هەرێمێ بۆ ئیرانێ بچن و زیان ب بازرگانێ هەرێمێ کەڤتییە.
ئەیاد حەسەن، سەرۆکێ ژۆرا بازرگانی و پیشەسازییا دهۆک بۆ دواڕۆژ رۆهنکر ب دەهان کەرستەیێن کارەبایی و یێن ئاڤاکرنێ و بەرهەمێن سۆتەمەنیێ ژ هەرێمێ بۆ ئیرانێ دچن و نزمبوونا بهایێ تیمەنی هەمبەر دۆلاری وەکرییە وەلاتیێن ئیرانێ کێمتر داخوازا کەرستەیان بکەن و ب ڤی رەنگی رێژەیا هنارتنا وان بەرهەمان بۆ ئیرانێ کێم بوویە و ئێکسەر زیان گەهاندییە بازرگانێن هەرێمێ یێن کو سەرەدەریێ دگەل ئیرانێ دکەن.
خویاکر ل وەلاتێ تورکیا ژی لیرە نزمبوونەکا بەرچاڤ هەمبەر دۆلارێ ئەمریکی دیتییە و بەردەوام بوونا ڤێ چەندێ دێ بیتە ئەگەرێ دائێخستنا ب دەهان کارگەهێن مەزن و بچووک ل وێرێ، لێ کۆمپانیێن هەرێمێ دشێن ژ کۆمپانیێن دی یێن تورکی کەرستەیان بکڕن و زیان ب وان ناگەهیت چونکو تورکیا وەلاتەکێ پیشەسازییە و ب هزاران کارگەهێن ئێک جۆر هەنە.
ئاماژەکر بازرگانێن هەرێمێ هەر ل دەستپێکێ هزر ل ڤێ کێشەیێ کرییە و هەموو ئالۆگۆڕیێن وان یێن بازرگانی ب دۆلارینە و گرێبەستێن وان ژی هەموو ب دۆلارینە ئانکو ب نزمبوون یان گرانبوونا بهایێ لیرەی زیان ب وان ناگەهیت و لناڤخۆیا هەرێمێ و ئیراقێ ژی بهایێ دۆلاری لسەر 1.20 جێگیر بوویە و ئەڤە هێمایەکێ باشە.
ل مەهێن بۆری ل هەر دوو وەلاتێن ئیران و تورکیا بهایێ تیمەن و لیرەی بەراورد دگەل دۆلاری نزمبوونەکا بەرچاڤ بخۆڤە دیتییە و نەسەقامگیری لناڤ بازاڕێ وان یێ ناڤخۆ چێکرییە.[1]
#04-06-2018#
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 2,925 جار بینراوە
ڕای خۆت دەربارەی ئەم بابەتە بنووسە!