دواڕۆژ، بورهان یەحیا
رێڤەبەرییا گشتییا ساخلەمییا پارێزگەها #دهۆک# راگەهاند؛ ب مەرەما پاراستنا زارۆیان ژ نەخۆشییا سۆرکا دێ 200 هزار زارۆ ل سنۆرێ پارێزگەهێ هێنە ڤاکسیندان.
حەمزە محەمەدعەلى بەرپرسێ راگەهاندنا رێڤەبەرییا گشتییا ساخلەمییا پارێزگەها دهۆک بۆ دواڕۆژ رۆهنکر تیمێن گەرۆک یێن رێڤەبەرییا کاروبارێن ساخلەمیێ دێ ل گەرەکان مال بۆ مالێ هاتنوچۆنێ کەن و هەر زارۆیەکێ ژیێ وى-وێ ژ نەه هەیڤى هەتا پێنج سالیێ هەبیت دێ ڤاکسین دەن چ بەرى نوکە وەرگرتبیت یان وەرنەگرتبیت.
دیارکر ئەڤ هەوە دێ ل رۆژا ئێکشەمبێ 2 ئیلۆنێ هێتە برێڤەبرن و پترى 200 هزار زارۆ ل گشت دەڤەرداریێن سەر ب پارێزگەها دهۆک هێنە ڤاکسیندان و ل ناڤ 25 کەمپێن ئاوارەیێن سنۆرێ پارێزگەهێ تیمێن تایبەت هەنە و دێ ب ڤى ئەرکى رابن.
خویاکرئەڤ ھەوە دێ بۆ دەمێ 10 رۆژان ڤەکێشیت و 255 تیم دبەرهەڤن ڤى ئەرک بجه بینن، پێشتر و بۆ چەندین سالان ئەڤ هەوا ڤاکسیندانێ دژى نەخۆشییا سۆرکا ل پارێزگەهێ هاتبوو راوەستاندن لێ نوکە دووبارە دێ دەست پێ هێتەکرن.
ئاماژەکر دووبارە دەستپێکرنا وێ بۆ ڤێ چەندێ ڤەدگەریت کو نەخۆشیا سۆرکا ل پارێزگەھا نەینەوا و ھەولێرێ دەرکەتیە و چەندین حالەت ل دھوک ژی ھەبووینە و د بەرژەوەندا هەموو سەمیانان دایە زارۆیێن خۆ ڤاکسین بدەن.[1]
#31-08-2018#
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 3,066 جار بینراوە
ڕای خۆت دەربارەی ئەم بابەتە بنووسە!