گەشتیارناسەک ئاماژەى ب هندێ ددەت کو سروشت و جوگرافیا #دهۆک# تایبەتمەندییا خۆ هەیە و دشێت ببیتە پایتەختێ گەشتوگوزارا هەرێمێ و دگەل هندێ پترى 800 بنگەهێن گوزارى لێ هەنە.
عەبدولرەزاق نهێلى گەشتیارناس ل دهۆک بۆ دواڕۆژ رۆهنکر: چەندین جهێن گوزارى یێن سەرنجراکێش ل دهۆک هەنە کو گەلەک ب زەحمەت ل دەڤەرێن دى بهێنە دیتن و سروشت و ژینگەه و جوگرافییا وێ تایبەتمەندییا خۆ هەیە و رێژەیا هەرە زۆر یا جۆرێن گەشتیاریێ ل سنۆرێ دهۆک هەنە و هەر ژ سالێن 1947ێ هەتا نوکە دهۆک ب چاڤێ باژێڕەکێ گوزارى لێ هاتییە نێرین.
دیارکر: نوکە ل سەر ئاستێ پارێزگەهێ پترى 800 بنگەهێن گوزارى تێدا هەنە و ب بەردەوامى جۆرێن گەشتوگوزارێ د گەشەکرنێ دانە لێ ب شێوەیەکێ باش گرنگى ب وان نەهاتییەدان بۆ هندێ بگەهنە ئاستێن بلند و فاکتەرێ ئابوورى تێدا خۆرت ببیت.
ناڤبۆرى راگەهاند: ژ سەنجراکێشترین جۆرێن گەشتوگوزارێ ل سەر ئاستێ پارێزگەهێ ئەڤەنە: (زڤستانى، ئایینى، چارەسەرى، کەلتۆر و رەوشەنبیرى، شوونوار، وەرزش، ژینگەه و چەندین جۆرێن دى)؛ ئەگەر ناسناڤێ پایتەختێ گەشتوگوزارێ ب دهۆک بهێتەدان دێ بیتە فاکتەرەکێ باش بۆ پتر گرنگیدان ب ڤى کەرتى و دێ حوکمەت پتر پشتەڤانیێ لێکەت و دێ دەلیڤەیێن کارى ژى زێدەتر لێهێن.[1]
#30-01-2020#
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 2,347 جار بینراوە
ڕای خۆت دەربارەی ئەم بابەتە بنووسە!