تيکەی زل، قونيش دەدڕێ و دەميش.
تیکە: پارووە نانە، زل: گەورە و قەبە و ئەستور، تیکەی زل واتە پارووە نانێکی گەورە و قەبە و ئەستوور، دەم سەرەتای(کۆئەندامی هەرس) و قونیش دەرچەکەیەتی، ئه و پارووە نانەی بەدەمەوە بخورێت و قوت بدرێت، بە دەرچەوە دێتە دەرەوە.
وتراوە(بەردی گەورە نیشانەی نەهاوێشتنیەتی) و (مریشک هێڵکەی قاز بکات قونی دەدڕێت) و(بەگوێرەی بەڕەکەی خۆت پێ ڕاکێشە) ئه و ئیدیۆمانە لە توانج و تەوس و مەبەستەوە نزیکن لە ناوەڕۆکی ئیدیۆمی(تیکەی زل، قونیش دەدڕێ و دەمیش) هەندێ کەس هەیە خۆی ناناسێت لەسەرووی توانای خۆیەوە کارێک دەکات و لە دەرەنجامدا زەرەرمەند دەبێت.[1]