زمانی وەکو بزنمشک وایه
بزن مژ، گیاندارێکی خشۆکە هاوشێوەی قومقمۆک و مارمیلۆک(مارمێلکە) و شەوگەرد، لە زۆربەی ناوچەکانی کوردستاندا بەتایبەت لەناوچەی ڕەوەزەشاخ و تەمتەمە شاخدا دەژیێت، یەکێکە له و گیاندارانەی کە شارەزا و بەتوانایە لە ڕاگرتن وڕامکردنی ئاژەڵی(بزن) و بەهێواشی گوانی دەمژمێت و بزنەکەش ڕادەوستێت و بەدەم کاوێژەوە تا چۆڕەشیری تێدا نامێنێ و شیرەکەی وەکو کارە کۆرپە دەخواتەوە، ئینجا ئه و حاڵەتە بووە بە ئیدیۆم دەوترێت(زمانی وەکو بزنمشک وایه) واتە دەتوانێ زمانی بۆ بەرژەوەندی خۆی بۆ یەک دوو ئیش بەکارهی بهێنێت و بیگێڕێت.[1]