گیسکی بەهارێ، لەدایکی خۆی هەڵدێ
ئه و کاریلەی لە بەهاران لە دایک دەبێت، سەرماوسۆڵە بارگەی پێچاوەتەوە و گژوگیاش زۆرە و لەوەڕی دایکەکە زۆر لەبارە، وەختی هێرۆ سۆران، خۆزگەم بەبزن زۆران، واتە بزن تێرە و لەوەڕی باشە و پڕگوانی شیر دەبێت، بەمەش کاریلەکان تێر شیر دەخۆن و زوو گەورە دەبن، لەماوەی(6)مانگ دەبنە گیسک، ئەوانەی نێرن تێر و پڕن و خورتن و لە دایکی خۆیان دەمرقێنن، ئەوە بە ئیدیۆم بەکەسی بێ سیفەت و بێ نمەک دەوترێت:(گیسکەنێرە) یاخود(گیسکی بەهارێ، لەدایکی خۆی هەڵدێ).[1]