#کاشییەکان# کە بۆ ماوەی نزیکەی چوار سەدە لە ناوچەکانی #میزۆپۆتامیا# فەرمانڕەواییان کردووە، لە باپیرە گەورەکانی کوردن کە لە چەندین هۆز و بنەماڵەی بچووک و گەورە پێک هاتبوون و توانییان دەسەڵاتیان فراوان بکەن و تەنانەت لە دەرەوەی سنووری کوردستانی گەورەش فەرمانڕەوایی بکەن.
زۆربەی سەرچاوە مێژووییەکان هاوڕان لەسەر ئەوەی کە زێدی سەرەکیی کاشییەکان ناوچەکانی #لوڕستان# بووە، بەڵام دواتر بەهۆی گەشەکردنەوە هەتا دەریاچەی قەزوێنیش ڕۆیشتووە.
سەبارەت بە سنووری دەسەڵاتداریی کاشییەکان لە سەرەتاوە لە ناوچەکانی ڕۆژهەڵاتی زنجیرە چیاکانی #زاگرۆس# بوو، بەڵام پاشان بەهۆی فراوانخوازی و سیاسەتی باش و زیرەکانە لە بواری دەسەڵاتداریدا توانییان زۆربەی ناوچەکانی میزۆپۆتامیا و بابل بخەنە ژێر حوکمی خۆیانەوە.
لە ماوەی فەرمانڕەواییەکەیاندا کاشییەکان پەیوەندییەکی باشیان لەگەڵ میسرییەکان هەبوو، تا ئەو ڕادەیەی کە کچی یەکێک لە پاشایانی کاشییەکان لەگەڵ فیرعەونێکی میسر هاوسەرگێریی کردووە.
ئامادەکردنی: #سارا سەردار#
[1]