عیدە و هەرکەس ژ دیدارا تە لێ پیرۆزە عید
ئەز تنێ مەحروومێ دیدارم ب سەد مەنزل بەعید
هەر سەحەر دهنێرم ئەز جانا ب ئاهان ڕا ژ دل
(بارک الباری بإسعاد عليها يوم عيد)
دەرگەهێ لوتفا تە خانم ما ل مەحروومان ڤەبی
(إن کلباً باسطاً دهراً ذراعاً بالوصيد)
پیرەمەردم عاشقم ئیرۆ مورادا من ببەخش
(يا حبيبی يا مرادی يا منی قلبی المريد
فر عقلي من لهيبي مثل باز أو عقاب
ذاب ڕوحی مثل ما إنحل فی نار جَليد
دمع عينی من بکاء مثل نار فی سکوب
نار قلبی من غرام فی ضرام فی الوقيد)
دل ژ بەر نارێ مەجازی بلحەقیقەت بوو پەڕەنگ
(نار قلبی فی هواها مثل نار فی حديد
کی خلاص از دوزخ هجر تو یابم ای جوان
هر نفس دارد صلاء و نعرء، هل من مزيد)
کی دزانت من ژ ڕمبازان دەما ئۆغلمە تێن
تێنە دل سەد ڕم ڕەوان و سینە تێنێ سەد جەرید
من ژ سەففەینا ژ نێڤا مەقتەلێ ڕم تێنە دل
لێ ل وان دەستان نەهن خوون و غەزایە ئەز شەهید
موسحەفا حوسن و جەمالێ سوورەتا خال و خەتان
(ما تلونا غير حرف، لا و قرآن مجيد)
گەر چ هەر دائم ژ مهرا نەینکا دل بەدرە من
وەک هلالێ سوبح تێم ئەز جارنان بم ناپەدید
ما ب لەعلێن جانفەزا ناڤێ مە بینت جارەکێ
(بالدعا بلغ تحياتی لسلمی يا بريد)
تو ژ مەلایی هەر بپوڕس ئەسرارێ عشقێ حەل دکت
ڤێ موعەممایێ چ زانن سەد مەلا و موستەعید
ئەر ب کوشتن وەر ب هشتن ئەمر و فەرمانا تە بت
(أحمد عبد ڕقيق واقف بين العبيد)
#مەلای جزیری# [1]