#Kurdistani#yên li paytexta Rûsyayê Moskovayê dijîn festîvala dans û dîlanê li dar xistin.
Di 28’ê Tebaxê de, li Moskovayê festîvala dans û dîlanê ya “Jiyana di tevgerê de” hate lidarxistin. Ji gelek herêmên Rûsyayê komên cuda yên neteweyî beşdarî festîvala ku ji aliyê Otonomiya Federal a Çanda-Netewî ya Kurdên Federasyona Rûsyayê ve bi alîkariya Ajansa Federal a Karûbarên Gel a Rûsyayê hat lidarxistin, bûn.
Rêxistina Jinên Kurd û Mala Gelên Rûsyayê bûn piştevanên fermî yên Festîvalê. Ji 5 herêmên Rûsyayê kom û govendger beşdarî festîvalê bûn. Her wiha 20 kom û danserên ji neteweyên cuda yên Rûsyayê beşdarî
ANF Images
festîvalê bûn.
Festîval ji aliyê Kurdistanî û gelên din ve bi eleqeyek mezin hat şopandin. Di encama nirxandinên jûriya festîvalê de komên serketî hatin diyarkirin. Di encama festîvalê de koma folklora Kurdî Bêrîtan a herêma Saratovê û koma folklora Kurdî Barîn a herêma Tambovê hêjayî xelata 3’yemîn hatin dîtin.
Xelata duyemîn jî tîma Gurc Kolxîda ya Moskovayê û koma dansa modern Porpil a herêma Tambovê bi dest xistin. Koma govendê ya Lezgîn Adat û koma govendê ya ermenî Ayordik xelata 1’emîn wergirtin.
Di beşa dansê ya takekesî de Olga Fadeyeva ku nûnertiya herêma Kamçatkayê dike xelata 3’yemîn, xelata 2’yemîn jî ji keça biçûk a Kurd a herêma Krasnodarê Milana Nabiyeva wergirt. Dansêr Ozbek Sevara Savûrbayeva xelata 1’emîn wergirt.
[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,212 جار بینراوە
ڕای خۆت دەربارەی ئەم بابەتە بنووسە!