Ronahî TV fîlma “#Koçberî#” li hola Navenda Çand û Hunerê ya #Baqî Xido# pêşand. Bi sedan şêniyên kantona #Kobanê# li fîlmê temaşe kir.
Li hola Navenda Çand û Hunerê ya Baqî Xido ya li Kobanê, fîlma Koçberî hat pêşandan. Gelek şênî beşdarî fîlmê bûn.
Çîroka fîlmê girêdayî şerê taybet a ku dewleta Tirk a dagirker li dijî şêniyên herêmê dimeşîne da ku koçber bibin û herêm vala bibe.
Her wiha film balê dikişîne ser xetereyên koçberiya nerewa û karesatên di encamê de bi civakan pêk tên.
Beriya pêşandana fîlmê, rojnamevan û endama Komîteya Amadekar a fîlmê Dîcle Ehmed axivî û diyar kir ku koçberiya ciwanan, yek ji xetereyên herî mezin li ser civakan e bi taybet li Rojava ku şoreşeke dîrokê lê li dar e. Her wiha teqezî pê kir ku divê civak planên dagirkeriya Tirk têk bibe û niyetên wê yên dijminane eşkere bike.
Piştî pêşandana fîlmê, endamê Rêveberiya Meclisa Yekitiya Ragihandina Azad a Herêma Cizîrê Şivan Mesê bi navê yekitiyê, nivîskarê senaryoya fîlmê rojnamevan Nîhad Karo, kameravanê filmê Ehmed Şikrî, montajê fîlmê Mihemed Mistefa, listîvanê sereke yê fîlmê Ehmed Maşîd, awazvan û hunermend strana filmê Hisên Xanî xelat kir.
Ronahî TV film berhem kiriye. Tê de bi dehan lîstivanên ciwan ji Kobanê hene. Gelek saziyan rolek di berhemkirina fîlmê de lîstiye. – ANHA [1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,591 جار بینراوە
ڕای خۆت دەربارەی ئەم بابەتە بنووسە!