ناو: عەبدوڵڵا
ناوی باوک: محەمەد
نازناو: عاجز
ناوی تەواوی (عەبدوڵڵا محەمەد حسێن) ە، بەرزنجییه، لە ساڵی (1929) لە گوندی (#چل هەوێزە#) ی سەربە شارەدێی #دیبەگە# لە دایکبووە خوێندنی لە حوجرەی مزگەوت تەواوکردووە لە گوندەکانی #خۆشناوەتی# و #ڕواندز# خوێندوویەتی، مۆڵەتی مەلایەتی لە مزگەوتی حاجی قادر دەباغ لە #هەولێر# وەرگرتووە. لە زۆرێک لە گوندەکانی کوردستان پێش نوێژی و مەلایەتی کردووه، لە کۆتایی ژیانی بووەتە مامۆستا لە وەزارەتی ئەوقاف، لەپڕ تووشی نە خۆشی دەبێت و بەماوەیەکی کەم کۆچی دوایی دەکات، لە ڕێکەوتی (#02-05-1967#) لە هەولێر بە خاک سپێردرا.
شیعری غەزەلی عاجز
شۆخە کەی بێ ڕەحم و ئینساف قاتیلی جانم وەره
باعیسی گومڕاهی ڕوح و شێخی سەنعانم وەرە
دڵ هەمیشە ئینتیزاری لوتف و ئینعامی تووه
دەردەمەندی قامەتی تۆم چاو بەگریانم وەره
(عاجز) م ڕووحی ڕەوانم، پڕ لەئێشە جەرگ و دڵ
تۆی تەبیېم زوو لە بۆ دەڕمانی دەردانم وەرە
لەشعرێکی دیکە دەڵێ:
چەند ڕۆژە لەبەر فیکری تۆ داماوە دڵی من
بێ خواردن و خە و و زەرد و زەبوون ماوە دڵی من [1]