حاجیلە، بابونچ: ڕووەکێکی گوڵداری خۆڕسکە، لەسەرەتای بەهار لە زوورگ و تەلان و چیا و پێ دەشتەکان شين دەبێت، باڵای (50-80) سانتیمەتر بەرز دەبێت، گوڵێک دەگری، کۆپەڕەکانی سپين، ناوەکەی زەردە، بۆنی زۆر نییە، خەڵک بۆ زۆر کار سوودی لێ وەردەگرن، گوڵەکەی کۆدەکەنەوە و وشکی دەکەن یان بە تەڕی لەناو ئاوی دەکەن و دەیکوڵێن، دوایی دەیپارێزن، ئاوەکە دەخۆنەوە بۆچارەسەری سک ئێشه باشە و ئافرەتان وەک شامپۆ سەری پێ دەشۆن، پرچییان نەرم و خاو دەکاتەوە.[1]