گيا مامزە: لە بەهاران شین دەبێت، لە کاتی دروێنەی گەنم و جۆ گوڵ دەکات گوڵەکەی وەنەوشەيییە و بۆنی خۆشه لە ناو شيوی کفته دەکرێت، ساڵانە لەسەر ڕەگی خۆی دەڕوێتەوە.[1]
لە زۆربەی دەشت و شاخەکانی کوردستان دەڕوێت، تامێکی خۆشی هەیە بە سەوزی دەخورێت تامی لە (جاترە) نزیکە وەکو بەهاراتیش بەکاردێت بۆچێشت، ئاژەڵدارەکان بۆ کوشتنی کرمی (زێروو) بەکاری دێنن چونکە مەڕ و ماڵات لە کاتی ئاوخواردنەوە یان لەوەڕان لەشوێنی شێدار و قەمیشەڵان ئەو کرمە خۆی دەخاتە ناوزاری ئاژەڵ، ئینجا بۆ کوشتنی (زێروو) گیا مامز دەهاڕن بە قامیش فوو دەکرێتە ناوزاری ئاژەڵەکە هەرکە بەر کرمەکە کەوت کرمەکە لەناو دەبات.[2]