داستانو حەیدەری و سنۊبەرۍ
وەرینەو بابەتۍ
حەیدەر، غوڵامێ قزڵباشی، جە دەربارو (شا عەباسی دوەمی سەفەوینە) ئازایی و جوامېریش بەرمەگنۊ. پەوکەی شا عەباس حورمەتش مەگېرۊ و پەی نزیکو وېش مارۊش. وەختو ڕاوېنە، حەیدەر بە تاقەسواری مەگنۊ شۊنەو ئاسکێ (ئاهوو)، ماوەو شەو و ڕوێ شۊنیش مەگنۊ، حەیدەر ڕا گمە مەکەرۊن، بە ئاورایی و تەژنەیی ئۆ دلۍ دەوارێ ئاڵ و واڵای مەیاوۊ، چاگە مەبۊن بە مېمانو کناچێ زەریفۍ (کناچۍ پاشاو کشمیری)، دمای نانواردەی و مېمانخوانی، وەرمش پۊرە مەگنۊ. حەیدەر ڕەفتار و جوانی و مېماڼەوازی کناچەکۍ ئۆ دڵش چەقۊ، عاشقش مەبۊن. داواش چەنە مەکەرۊن، هەکە پېوەرە واچۍ وەشەویسیۍ فاڕاوە، بەڵام (سنۊبەرە) ڕازییە نمەبۊن، پەوکەی کېشە مەگنۊ میانشان و جەنگ قۊمیۊ. سەرەنجام (حەیدەر) زامڎار مەبۊن و کناچەکۍ (سنۊبەرە) پەی کشمیری مەگېڵۊوە.
حەیدەریچ پەی ئەسفەهانی مەگېڵۊوە، وەختێ شا عەباس بە زامەکەو حەیدەری چەمش مەگنۊ، هۊکارو زامەکەیش وەنە مەپەرسۊ. حەیدەر باس جە جوانی و ناسکی و شیرینی و ئازایی سنۊبەرېش پەی مەکەرۊن، شا عەباسی دوەم بە تاریفەکا حەیدەری عاشقو سنۊبەرۍ مەبۊن، پەوکەی حەیدەری شۊنیشەرە مەکیانۊ، حەیدەر چەنی چن سەربازێ پەی ماواو سنۊبەرۍ مەلان، دمای جەنگێ ئازایانەی سنۊبەرۍ بە دیل مەگېران. دمای گېڵایۆشان سنۊبەرۍ پەی شا عەباسی ماران. داستانەکە دماجار پانەیە مەیاوۊن، هەکە بە مەڵامەتو ژیری و گفتوگۊی ئاقڵانەیش چەنی شا عەباسی، سنۊبەرە شا عەباسی ڕازی مەکەرۊن، هەکە کەرۊش بە کناچۍ وېش، دماییچ بە ژەنەو حەیدەری.
[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 596 جار بینراوە
ڕای خۆت دەربارەی ئەم بابەتە بنووسە!