ئامار فایلی پەیوەندیدار 101,113
زمان
![](http://www.kurdipedia.org/images/flags/ku.png) کوردیی ناوەڕاست 303,386
![](http://www.kurdipedia.org/images/flags/ku.png) Kurmancî - Kurdîy Serû 89,005
![](http://www.kurdipedia.org/images/flags/ku.png) هەورامی 65,853
![](http://www.kurdipedia.org/images/flags/sa.png) عربي 29,431
![](http://www.kurdipedia.org/images/flags/ku.png) کرمانجی - کوردیی سەروو 17,084
![](http://www.kurdipedia.org/images/flags/ir.png) فارسی 9,002
![](http://www.kurdipedia.org/images/flags/gb.png) English 7,423
![](http://www.kurdipedia.org/images/flags/tr.png) Türkçe 3,612
![](http://www.kurdipedia.org/images/flags/ku.png) لوڕی 1,691
![](http://www.kurdipedia.org/images/flags/de.png) Deutsch 1,495
![](http://www.kurdipedia.org/images/flags/ru.png) Pусский 1,134
![](http://www.kurdipedia.org/images/flags/fr.png) Française 336
![](http://www.kurdipedia.org/images/flags/nl.png) Nederlands 130
![](http://www.kurdipedia.org/images/flags/ku.png) Zazakî 90
![](http://www.kurdipedia.org/images/flags/se.png) Svenska 63
![](http://www.kurdipedia.org/images/flags/am.png) Հայերեն 50
![](http://www.kurdipedia.org/images/flags/es.png) Español 46
![](http://www.kurdipedia.org/images/flags/it.png) Italiano 44
![](http://www.kurdipedia.org/images/flags/ku.png) لەکی 37
![](http://www.kurdipedia.org/images/flags/az.png) Azərbaycanca 24
![](http://www.kurdipedia.org/images/flags/jp.png) 日本人 20
![](http://www.kurdipedia.org/images/flags/cn.png) 中国的 16
![](http://www.kurdipedia.org/images/flags/gr.png) Ελληνική 14
![](http://www.kurdipedia.org/images/flags/no.png) Norsk 14
![](http://www.kurdipedia.org/images/flags/il.png) עברית 14
![](http://www.kurdipedia.org/images/flags/fi.png) Fins 12
![](http://www.kurdipedia.org/images/flags/pl.png) Polski 7
![](http://www.kurdipedia.org/images/flags/eo.png) Esperanto 5
![](http://www.kurdipedia.org/images/flags/uz.png) Ozbek 4
![](http://www.kurdipedia.org/images/flags/pt.png) Português 3
![](http://www.kurdipedia.org/images/flags/tj.png) Тоҷикӣ 3
![](http://www.kurdipedia.org/images/flags/hr.png) Hrvatski 2
![](http://www.kurdipedia.org/images/flags/rs.png) Srpski 2
![](http://www.kurdipedia.org/images/flags/tz.png) Kiswahili سَوَاحِلي 2
![](http://www.kurdipedia.org/images/flags/ge.png) ქართველი 2
![](http://www.kurdipedia.org/images/flags/ph.png) Cebuano 1
![](http://www.kurdipedia.org/images/flags/bg.png) балгарская 1
![](http://www.kurdipedia.org/images/flags/turkmen.png) ترکمانی 1
پۆل ![](https://www.kurdipedia.org/images/flags/ku.png) کوردیی ناوەڕاست
ڕێکەوت و ڕووداو (کڕۆنۆلۆژیا) 14,561
بڵاوکراوەکان (گۆڤار، ڕۆژنامە و ...) 819
گیانلەبەرانی کوردستان 243
ڕووهكی كوردهواری (گژوگیا و دار) 101
بەرهەمە کوردستانییەکان 38
کەلوپەلی سەربازیی بەکارهاتوو لە کوردستان 21
|
کوردیپێدیا، مێژووی دوێنێ و ئەمڕۆ بۆ نەوەکانی سبەینێ ئەرشیڤ دەکات!
پۆل: هۆنراوە | زمانی بابەت: کرمانجی - کوردیی سەروو
| بەشکردن | |
| Facebook | 0 |
| Twitter | 0 |
| Telegram | 0 |
| LinkedIn | 0 |
| WhatsApp | 0 |
| Viber | 0 |
| SMS | 0 |
| Facebook Messenger | 0 |
| E-Mail | 0 |
| Copy Link | 0 |
نرخاندنی بابەت |
|
نایاب |
زۆر باشە |
باش |
خراپ نییە |
خراپ |
| کوردیی ناوەڕاست | 0 | Kurmancî - Kurdîy Serû | 0 | English | 0 | عربي | 0 | فارسی | 0 | Türkçe | 0 | עברית | 0 | Deutsch | 0 | Español | 0 | Française | 0 | Italiano | 0 | Nederlands | 0 | Svenska | 0 | Ελληνική | 0 | Azərbaycanca | 0 | Cebuano | 0 | Esperanto | 0 | Fins | 0 | Hrvatski | 0 | Kiswahili سَوَاحِلي | 0 | Norsk | 0 | Ozbek | 0 | Polski | 0 | Português | 0 | Pусский | 0 | Srpski | 0 | балгарская | 0 | Тоҷикӣ | 0 | Հայերեն | 0 | ქართველი | 0 | 中国的 | 0 | 日本人 | 0 |
حەلال کریە تاهایێ
مەزهەبێ ڤە بکێرنایێ
ئەم دمرن نائێنە ڕایێ
ئاخرەت خۆشترە ژ دنیایێ
قەدا ل دنیایێ ب کەڤی
دێ ڕوورەش بن لنک نەبی
قەبوول نەکن ڤی مەزهەبی
حەمیان گو: بلاڤەبی
حەمییان ڕایەک ڤەکر
گۆ ئافەرین عەهدا تە کر
ئاڤێتن تاج قەبوول نەکر
ل سەر خاترا ئەبووبکر
ل سەر خاترا عوممەرە
د ڕییا پێغەمبەرە
خوە بکن کەر بکەرە
رووسپیبن دا د مەحشەرە
رووسپیتیێ د مەحشەرکن
هەرنێ، وان کەربکەر کن
ب گۆتنا پێغەمبەر کن
شەهید بن دنێ تەرک کن
شەهید بن تەرکا دنێ کن
ناڤەکی ژ خوەڕا چێکن
بەسسە کەلێ ئاسێکن
رابن ڤێکڕا هەو لێکن
رابوو خانێ زێڕین زەندە
سوبحێ ڤەکر دەربەندە
خەلقێ جندی دخوەندە
رەشاندن زێڕ و قەندە
زێڕ و خلعەت دا وانە
کامل کو بوو دیوانە
گۆ: هەر چی ب ئیمانە
سوبحێ وەرنە مەیدانە
سوبحە ڕۆژا شەڕانە
بکنە ئاخر زەمانە
دەستِ ل سینگان دانە
سەرێ مە د قەبزا خانە
د قەبزا خانە ل مەیدان
بفکرنە شێرەمەردان
حەمیان کو ئەڤ خەبەردان
شەهید بوون دنیێ بەردان
دنیێ بەردا عەوانان
لەعنەت بی ل کال و جانان
ڤێکرا بچنە سولتانان
عەجەم نەکن ئەمانان
سوبحێ چوونە عەجەمە
عەسکەر ڕووبار و چەمە
د پێش تێ خان ئەدهەمە
گرتن دۆرا دمدمە
ل بن دمدمێ وەستابوون
جەیشێ عەجەم کو ڕابوون
لەشکەر کو لێ جەمابوون
تە دگۆ قیامەت ڕابوون
دی دەما نوو ژ ئاڤە
ل دمدما چاک د ناڤە
ئەڤ کافر تاج زراڤە
بوسواش و قەتل و ڕاڤە
سواش و قەتل و جەنگە
حسارە پڕ تفەنگە
ژێ دبارن پەرەنگە
هنگی تیر و خەدەنگە
هندی کو ئەڤ حەسارن
بەرەنگ ژ وان دبارن
عەجەم دبێ چاریارن
لەوڕا ددەعوادارن
لەوڕا تێن وەک بەرازان
ل خۆشمێران، ل شاهبازان
بەردانە گازە گازان
ئیرش برنە ئەندزان
ئیرش برنە کوللەکان
تۆپ ئاڤێتنە شەبەکان
وەکی باران و شڕکان
تێک دڕێژن تفنکان
تێک درێژن ژ بانی
تفنگ و تیر ددانی
خالق ب وان دزانی
بۆ ڕۆژ ئاخر زەمانی
خالق ب وان خەبیرە
دەرهاتن جان و پیرە
دڕێژن تووپ و تیرە
رووسپیبن خانۆمیرە
رووسپیبن خان عەبدالە
درێژکری مەرتالە
چ شێرەکێ بێ مسالە
دەما کو بوویە قالە
دەما کو بوو سەواشە
دەرگەه کودانە پاشە
بۆ گازی و شاباشە
ژهەڤ دێخستن لاشە
ژ هەڤ دبرن دیلە
بوویە قرێن و قیلە
عاجزبوون بەتل و فیلە
بەرستنە هەڤ ب حیلە
ب حیلە و ب لێبە
وان کوشتن بێ حسێبە
لازم دێ یەک یەکێ بە
گۆ: بەسسە هەتا سوبە
سوبحێ چوون عەرەساتێ
خەلقێ د ڤێ بساتێ
کافر لێ دکن خەباتێ
هاتنە بن قەلعاتێ
د قەلعاتێ مەرەستن
ل دژمنان قەلەستن
بۆ جەنگ و دابرەستن
هەفت هەزار ژێ ئێخستن
ژ هەڤ خستن هەفت هەزارە
قۆچی خەلقێ بژارە
بوویە هەوار هەوارە
قەت ڕۆم نەبوو دیارە
خەبەر نەهات ژ ڕۆمێ
عاجزبوونە ژ دۆمێ
خەلقۆ ژێ مەکن لۆمێ
هوون بفکرن ل کۆمێ
هوون بنێڕن ل خانە
چ حکمەت پەهلەوانە
رۆم نایێنە د هانە
غیرەت کارێ مێرانە
ئەز ژ غیرەتا نەبیمە
ئەز شێرەکێ موکریمە
خان عەبدالێ بوهتیمە
ئەز ژی ب ناڤێ ڤیمە
بۆهتان ئەڤ ناڤ گەڕاندە
بابم بهیست حەباندە
ئینا ل من نهاندە
ب ڤی ناڤی ئەز ژێ خوندە
کەسێ کو لێ ئەڤ ناڤ بی
ئیللا کو خان ئەبدال بی
شەرمە کو ئەڤ زراڤ بی
خەتما ڤی نە تمام بی
خەتمێ نەکەم تمامە
ب سه جوزئو کەلامە
ژ ڤرا حەتا ڤ شامە
ئەڤ ناڤ ل من حەرامە
حەرام کرن برەستن
رابوون و چەک ڤەبەستن
دەستوور ژ هەڤ د خوەستن
ستییان قەدەم شکەستن
سەر تا قەدەم تێکوەربوون
ستی د سور و زەر بوون
فێرس د پڕ جەگەربوون
ژ نێڤ کەلێ بدەربوون
کەلا کو سەد ستی تێ
چ نازک و جندی تێ
ب گهار و زەڕینی تێ
مە لحالێ وان گری تێ
گری من تێ د گەل وان
نازک و قامەت سەلوان
دەما دەرتێن ژ خەلوان
قەرفان دکن ب سەر وان
قەرفان دکن بەشەر تێن
هندی ژ من غەزەل تێن
نالین و سەد عەمەل تێن
هێسترێد من د گەل تێن
هێسترێد من ژ هوور تێن
نالینێد من ژ دوور تێن
ژ داغ و کۆڤانێد سوور تێن
خەلقۆ ژ داغێ کوور تێن
خەلقێ د ڤێ گنگاشێ
وەرن ب سەر سواشێ
گوه بدنە ڤێ داباشێ
چ دبێژە مەتن و حاشێ
چ دبێ مەتن و نۆشتە
وان شێران زەند ڤەمشتە
قەبزێ شیران هەرشتە
چوونە جهێ دوکشتە
چوون و ژێ ڕوبڕوبوون
ئەژدەر قەوی ب سووبوون
بەتلێد دوهی ل کووبوون
شەڕێ دوهی قەت چ بوون
ئەڤ شەرەک بێ مەئالە
بەتلێد د بێ مسالە
درێژ کرن مەرتالە
کو لێکبدەن مەجالە
دێ لێکبدەن کو وەختە
شداندن چەک و ڕەختە
فڕین تالع و بەختە
شاه ڕابوو هاتە تەختە
بوهتان هەمی ب میرڤە
دەمەک سەکنین ب شیرڤە
کفن دبن چەنگیڤە
کافر هاتن ژ پیرڤە
کافر د دل قەوینە
دەما کو وان دبینە
هەیبەت ل وان کەتینە
قورجی نزانن کینە
قورجی دبێ حسێبن
پرس و پرسیار نە عێبن
هوون دێ مێوانێ کێ بن
ئازا د ڕییا خودێ بن
ئازا د ڕییا خوداه بن
ئەمێدِ پڕ گوناه بن
میوانێ خەلیفێ شاه بن
غازی د ڕییا ئللاه بن
مە گازیکر جەببارە
ئەمێ د گرفتارە
خەلیفە ئختیارە
ئەم دێ بچن دیارە
خەلیفە چوون نشاندە
شیرێ هوشین کشاندە
سەری ژ لاشی فڕاندە
هەرسێ ژی کرنە ڕاندە
باب و پس و برازە
هەرسێ کرن جەنازە
ب شیرەکێ دلخوازە
بۆ شین و گازە گازە
هەرسێ ڤێکرا دێخستن
قەڤدێد شیران هەرستن
بو جەنگ و دابرستن
ب هزاران مێر ژێ کوشتن
لێ دخستن وان ب نوبەت
خان ئەبدال کر ئشارەت
جارەک دی ژێ بکنایەت
بەر محمد سەلەوات
سەلەوات ئانینە ڤێکڕا
وان ڕم هژاندن تێکڕا
بە خەنجەر هاتنە پێکڕا
ب هزاران کوشتن ژێکڕا
کوشتن ژ خان و میران
ب تفنگ و توپ و تیران
سەرقوتن مسلێ شیران
لاش بوونە مینا گێران
هزاران لاش ل شوونێ
حەفتێ و یێکن ل چوونێ
تو دبێی ب هزاران تێنێ
شیران ڕەنگدا ژ خوونێ
شیران ڤەدابوو برقە
هاویر بوو ترقە ترقە
یەک یەک ژ هەڤ نابن فرقە
لێکدان و شرقە شرقە
سەری ژ هەڤ فڕاندن
زرە ل هەڤ قەتاندن
عیار ل هەڤ دڕاندن
حەرامە بەر کڕاندن
بەر نە کڕاند ژێ کوشتن
وان ئەو حەمی د کوشتن
قەت کەسەک ژێ نە هشتن
بۆ شەهیدێت بهشتن
شەهیدبوون چوون ژ خودێڕا
ئەڤ ڕەنگە گۆڤەند گێڕا
خان و ئەڤ خەلقێ وێڕا
بەحەشت و حوری ژێڕا
حەمی چوون و ژن مانە
کافران کو گۆتە خانە
ئێریشێ بینە وانە
بینن کیژێد جوانە
قەت کەس نەما ژ دەرڤە
ئێریش ئانین ب سەرڤە
ل ستییان بوویە ڕەڤە
بوو دوومان تە دگۆ شەڤە
کەسەک کەسێ نابینە
کچا خان ئاگری تینە
ب جبەخانێ تێخینە
کەلێ ژ بن هلتینە
کەلێ ژ بن داڤێژە
حەمیان د بن د کوژە
ئاگر ژۆردا د ڕژە
کەس نامینە دپژە
هەمی کوشتن ب خوەڕان
شەهید بوون چوونە باغان
بهشت برن ژ خوەڕان
گۆتن دما ژ مڕان
وان حەمی ڕوو سپی بن
موقیم ل نک نەبی بن
د جەننەتا باقی بن
مەهدەرچیێ «فەقی» بن
د پاشی وان قسان ڕا
ژ نەبی و ئەولیان ڕا
ژ میم و حێ و خان ڕا
فاتحە ژ ڕوحێ وان ڕا
#فەقێ تەیران# [1] ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی ![](https://www.kurdipedia.org/images/flags/ku.png) بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا ![](https://www.kurdipedia.org/images/flags/ku.png) بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن! ئەم بابەتە 536 جار بینراوە
ڕای خۆت دەربارەی ئەم بابەتە بنووسە!
هاشتاگ بابەتە پەیوەستکراوەکان: 7 تایبەتمەندییەکانی بابەت تایبەتمەندییە تەکنیکییەکان خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە. ئەم بابەتە لەلایەن: ( ڕۆژگار کەرکووکی )ەوە لە: 04-10-2022 تۆمارکراوە ئەم بابەتە لەلایەن: ( زریان سەرچناری )ەوە لە: 04-10-2022 پێداچوونەوەی بۆکراوە و ئازادکراوە ناونیشانی بابەت ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە! ئەم بابەتە 536 جار بینراوە
|
|