هەریەک بە ڕاهێ ڕەوان بین بەدەو
نەوشەو شازادە سێ ڕۆژ نەکەرد خەو
هیچ نمەزانان بەکۆ مەشۆ ڕا
پەنا بەردشان بە زات ئەڵلا
تا ڕۆژ ڕەوشەن لوان بەڕاوە
گا مەشین وە بەر گا بە دماوە
نە ڕۆژ چوارەم لوان بە جای
یە جای ناهەموار خەراپە گای
ئاخر هەر دوو ئەسپ نەمەندن بەکار
هەر دوو پیادە بین بەزاری و زگار
خەیلێ وە پیادە لوان بەراوە
گیر وەردن بە دەست بەڵا و قەزاوە
ئافتاب زۆر ئاوەرد زەمین مەلەرزا
مەل نە ڕووی هەوا پەڕوباڵ ڕێزا
زەمین یەکسەر بی بە ئاهیر نار
هەردوو لەب توشنە هەم زەلیل و زار
* ڕیگ بیابان چەسپ مەبی نەپا
تەن زەخمی و پا لوخت هەر دوو بە دڵخا
شای نۆش ئافەرین بێ هۆش بی نەوجا
ئەو کەفت وەبێ ناز شۆخ دڵڕوبا
#خانای قوبادی# [1]