ئێوارەی ئەمڕۆ پێنج شەممە 13ی ئۆکتۆبەر، #مەسرور بارزانی# سەرۆکی حکومەتی هەرێمی کوردستان، لە پەیوەندییەکی تەلەفۆنیدا پیرۆزبایی لە #لەتیف ڕەشید# کرد بە بۆنەی هەڵبژاردنی وەک سەرۆک کۆماری عێراق.
لەمبارەیەوە سەرۆکی حکومەت لە تویتێکیدا ڕایگەیاند” پیرۆزباییم لە د. لەتیف ڕەشید کرد بەبۆنەی هەڵبژاردنی بە سەرۆک کۆماری نوێی عێراقی فیدراڵ. داوام لێکرد لە ئاست بەرپرسیارێتیی گرنگیی خۆیدا بێت بۆ پاراستنی مافە دەستوورییەکانی گشت عێراقییەکان بە هەرێمی کوردستانیشەوە.
هەموومان بەرگەی ئاڵۆزی زۆمان گرتووە. ئێستا دەبێت ئیرادەیەکی ڕاستەقینە هەبێت بۆ ئەوەی سەر لەنوێ دەست پێ بکەینەوە. چیتر ناکرێت خواست و پێداویستییەکانی خەڵک پەراوێز بخرێت. “ [1]