Di 29`ê Cotmehê de Pêşangeha Zanîngeha Tubruq a Lîbya ya Navneteweyî ya nivîskaran bi tevlêbûna gelek weşanxaneyan ji hundirê Lîbya û derveyî wê, li dar ket. Tê de pirtûkên rêber Abdullah #Ocalan# hatin pêşandan.
Zêdetirî 100 weşanxaneyên lîbyayî û erebî ji Misr, Urdun, Sûriya, Îmarat û Erebistana Siûdî tev li pêşangehê bûn.
Di pêşangehê de, kurd bi beşdariya weşanxaneya Nefertîtî tev li pêşangehê bûn. Ji ber ku yekemîn weşanxaneya misrî ye ku pirtûkên kurdî yên ronakbîr û lêkolînerên kurd belav dike.
Mudirê weşanxaneyê Nefertîtî Seyd Ebdulfetah ji ajansa me re diyar kir ku weşanxane bi 70 serenavên cihereng girêdayî doza kurd tev li pêşanehê bûye.
Li gorî Ebdulfetah pirtûk û parêznameyên rêber Abdullah Ocalan di pêşiya lîsteya pirtûkan de ye ku pê tev li pêşangehê bûye.
Ebdulfetah destnîşan kir ku weşanxaneya Nefertîtî, kovarên Rojhilata Navîn a Demokratîk û Şermûla belav dike ku ji Bakur û Rojhilatê Sûriyê derdikevin. Her wiha diyar kir ku Rojhilata Navîn a Demokratîk; kovareke fikrî û siyasî ye û ji 7 salan ve li Misrê bi rêya Navenda Lêkolînên Kurdî ya Qehîra tê weşandin. Şermûle jî, kovareke çandî ye ku bi #zimanên kurdî# û erebî tê weşandin.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,984 جار بینراوە
ڕای خۆت دەربارەی ئەم بابەتە بنووسە!