قەسە دکەن کو جارەکێ عەشیرەتێ «سپیکان» و «حەیدەران» هەردووکان دگەل یەک و دوو میقدارێ پانسەد سەری کاروانێ قافیلەباشی «عەبدولقادر ئاغایێ بەغدایی» لێ دان و تالان کرن، بارێد وان حەموو چۆخ و قوماش و ئەتلەس و جانفس و قورمز بوویی، ل دەشتا قازی گولێ بەلاڤ کرن، وەسانێ کو ئەکرادان چۆخ و ئەتلەس و قوماش ب ڕمان د پیڤان و ل یەک و دوو پارەڤە دکرن و حسسە دکرن، ل وێ ناڤێ مرۆڤەکێ خوە جهی ژی ڕاستی وان هاتی، گۆتە ئەکرادان، قەدەرەکێ چۆخی و قوماشی بفرۆشنە من، ئیجارێ ئەکرادان ئینان، وەسانێ ب ڕمێ چۆخ و قوماش پیڤای داینە وی مرۆڤێ یێرلو، ئیجارێ ئەوی مرۆڤی پرسیار کری، ئەڤە گازا وە چ مەزنە، ئەکرادان گوتنە کو بەلێ، ئەڤە گازا کۆر ئۆغلییە، ل چیان هێلایە ژبۆی ژاران، کو ئەگەر مرۆڤەک چەند گەز بڤێ بکڕە، مالێ خوە ئاڤا دکەتن، دوی تالانیدا، چار پێنج بار قورمز بدەست ئەکرادەکی کەتبوون و نەزانیە کو چییە، پاشی هاتبوویە بازیدێ فەلەیەک برییە کو وەرە هندەکی دەرمانێ من هەیە ئەز بدەمە تە، ئیجارێ فەلە چوویە ئەو بارێد قورمزان ژ وی ئەکرادی ستاندییە و ئینایە فرۆتیە و گەلەک دراڤ ژ وی قازانج کرییە، نها ژی ژ جنسێ وی فەلەی هەین، د بازیدێدا بووینە بازرگانێد مەشهوور و ئەو گازا کۆر ئۆغلی د کوردستانێدا مەعروفە.
#مەلا مەحموودی بایەزیدی# [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 319 جار بینراوە
ڕای خۆت دەربارەی ئەم بابەتە بنووسە!