Hewlêr (Rûdaw) - Li gundê Til Helef li rojavayê bajarê #Serê Kaniyê# yê #Rojavayê Kurdistanê#, zirxpoşeke Tirkiye zarokek kuşt.
Li gor çavkaniyên Rêveberiya Xweser, roja 3ê Mijdarê li gundê Til Helef li rojavayê bajarê Serê Kaniyê yê Rojavayê Kurdistanê, zirxpoşeke Tirkiye li zarokekê da di encam de wê zarokê cane xwe ji dest da, ev jî bêyî ku serbazên Tirk bi hawara wê zarokê ve biçin an wê veguhêzin nexweşxaneyê.
13ê Cotmehê jî, cendirmeyên Tirkiye li ser sînorê hevbeş Sûriye-Tirkiye jinek û 5 zarokên wê girtin, di encam de destdirêjiya sêksî lê kirin û piştre ew avêtin aliyê Sûriyê.
Dagirkirina Serê Kaniyê û binpêkirinên li dijî Kurdan
Bajarê Serê Kaniyê sala 2019an di encama operasyoneke artêşa Tirkiyê de ku navê Operasyona Kaniya Aştiyê lê hatibû kirin, ji kontrola hêzên Kurdî yên Rojavayê Kurdistanê derketiye. Her di çarçoveya heman operasyonê de bajarê Girê Spî jî ji aliyê artêşa Tirkiyê ve hatiye dagirkirin.
Ji wê roja ku Serê Kaniyê ket bin dagirkirina artêşa Tirkiyê û komên çekdar ên opozisyona Sûriyê û heta niha, binpêkariyên li hember welatiyên Kurd li wê herêmê berdewam in.
Heta niha ji aliyê rêxistinên xwecihî û navdewletî ve bi dehan binpêkariyên li dijî xelkê sivîl hatine tomarkirin ku ji aliyê çekdarên girêdayî Tirkiyê ve hatine encamdan.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,208 جار بینراوە
ڕای خۆت دەربارەی ئەم بابەتە بنووسە!