دوورگەیەکی سەوز ناوەکەی شیرن
خیزی بۆ جەحێڵ، ئاوی بۆ پیرن
مەبەست لە میوەی شووتییە، دوورگەیەکی سەوز (دوورگە بە زەوییەک دەوترێ کە هەر چواردەوری ئاو بێ) مەبەست لە توێکڵی شوتییە، ناوەکەی شیرن، مەبەست لە میوەی شوتییە کە سوورە و شیرینە، خیزی بۆ جەحڵ، (خیز: هەڵخلیسکان فەرهەنگی هەنبانە بۆرینە) توێکڵی شووتی مرۆڤ لێی هەڵ دەخلیسکێ، ئەو بەشەی بۆ گەنج دانراوە، ئاوی بۆ پیرن، کەسانی بەتەمەن لەبەر ئەوەی دانیان نامێنێ، بەشە سوورە شیرینەکەی شووتی بۆ ئەوان دادەنرێ چونکە خواردنی جووینی ناوێ. وەڵام (شووتی) . [1]