بەرهەم سەردار، سەرۆکی کۆمەڵەی کرێنشینانی کوردستان دەڵێت: 682 یەکەی نیشتەجێبون بە عەرەب فرۆشراون و دەیان پێشمەرگە و کەمئەندام کرێچی عەرەبن.
بەرهەم سەردار دەڵێت تاوەکو ئێستا 220 هەزار یەکەی نیشتەجێبوون مۆڵەتی وەبەرهێنانیان پێ دراوە، بەڵام 1% ی قەیرانەکانیان لە کوردستان چارەسەر نەکردووە چونکە یەکەکان بۆ کرێنشینان و کەسانی کەمدەرامەت نین.
هەروەها ئاماژەی بەوەشکرد ئەو پڕۆژەیەی کە حکومەت بڕیاری لێدابوو 20 هەزار یەکە بۆ کرێچی و کەمدەرامەتان لە کوردستان درووست بکات، لە #سلێمانی# هیچ وەبەرهێنێک تاوەکو ئێستا ئامادە نییە پڕۆژەکە لە ئەستۆبگرێت..
وتیشی هەرچەندە شارەوانی سلێمانی دەڵێت زەویمان بۆ دابینکردوون، بەڵام ئامادەنین زەوییەکانمان نیشان بدەن و تا ئێستا ئەو شوێنەی بۆ خانووی کرێنشینان دیاریکراوە دیار نییە و وەهمییە. [1]