#بېسارانی#
زڵېخام دارۊ، زڵېخام دارۊ
شەستی تۊ مایەی زیندەگی دارۊ
با بەیۊ فېشتەر، جە هېزی ئارۊ
نەبا دڵ جە داخ گیانش بسپارۊ
پەی چېش بە پەیکان تۊ ژېیانمەن؟
وەرنە نەمەندەن وەختی گېیانمەن
ئازیز با بەیان خەدەنگان خاس خاس
پەیاپەی پەی پەی ژارالۇی ئەڵماس
هەم بشان بشان بە ڕشتەی جەرگم
هەر تاکە بەرشۊ خۊفی ڕۊی مەرگم
شېیەنم نە دڵ چەندە پەیکانێ
جەو بۊنە مەندەن نیمە جە گېیانێ
فیدات بام، جە شەست مودارات نەبۊ
زیندەگی بەخشەن مەودای تیری تۊ
[1]