وەرمەکەو عەلی مەردان سانی کوڕو حسین سانی جە هۆرامانەنە.
عەلی مەردان سان ماچۊ: دمای کارەساتەکا کە قومیێ، شەوێشا وەرمێ سەمەرەم دی، ئەپی تەرزە:
وەرمەکەنە، درەختێ فرە گۆرەی باڵا بەرزی لق و پۊدارم دی، فرەو خەڵکو ئی دنیێ سایەشەنە مدرێبېنۍ، چۆلایچۆ کومەڵە خەڵکێ خەریکو بڕیەیۆ درەختەکەی بېنۍ، هەر دلۍ وەرمەکەیمەنە، ویرم چانەیە کەردۆ، گەر ئی دارە بڕیوە و ڕوەو ئېمە گنۊ، گردیما دلېنە بەرۊ، خاستەرەن چەنەش دوورۍ گنمێ.
وەختێ دوورۍ کەوتیمێ، دارەکەشا بڕیۊو هیچ زەرەرێ بە ئېمە نەیاوا.
عەلی مەردان سان، وەرمەکەش پەی زانێوە باسکەردەبۍ، تابېڵش دابێ کە چی بەڵاو موسیبەتەیە ڕزگارت بۊن.
واتەبېش: چی ڕوانە کابرێوە گۆرەی خاوەن دەسەڵات کۊشیۊ، هیچ زەرەرێ بە تۊ نمەیاوۊ. ماچۊ دمای ویس ڕوا جە وەرمەکەی، یانی جە تاریخو (1211ک--- 1796ز) هەواڵو کوشیای پاشاو ئېرانی (ئاغا محەمەد خانو قاجار) ی یاوا، کە باباگۆرەو ناسرەدین شاو قاجاری بۍ.
هەر چا ڕوانە، عەلی مەردان سان وەرمێ تەرش دیەبۍ:
ماچۊ: وەرمەنە چەنی محەمەد یوسف سانی، سەرو بانو باڵاخانەکاو هۆرامانیۆ بېنمۍ، من گەرەکمبۍ ئاڎیی کەرو بەرۆ، ئاڎییچ عەینو نیازیش بۍ، بەڵام من تاوام سەرگنو ملشەرەو ئاڎم کەرد بەرۆ، دمای ویس ڕوا تەری، دیسان وەرمەکەم ئامادی، ڕاسیەکە بەرکۆت.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 712 جار بینراوە
ڕای خۆت دەربارەی ئەم بابەتە بنووسە!