#بېسارانی#
چراغم یاران، چراغم یاران
ئېم شەو جە خاودا شیم وە لای یاران
ئیجازەم واستەن جە ئیجازداران
مولەمما بېیان شەو چەنی یاران
جفتێ کاڵە بەی ها بەو دارەوە
دۇ شامار بەندەن، بەو چنارەوە
ماران و بەیان هەر مەلەرزانۍ
نمەز چ سېڕڕەن نمەگەزانۍ
تەبارەکوڵڵا جەی * چنار
شاماران جفتێ، مار تۇڵان هەزار
سوب کە سپی ** بی جە خاو بیم بېدار
نە مار مەندەبی، نە بەی، نە چنار
درېغ جەو خاودا شامار بگەسەتام
چەنی بېبەینەت، بەینەت نەوەستام
ئەگەر بېبەینەت، قەبرش پڕ نۇر بۊ
قەبرم جە قەبری بېبەینەت دۇر بۊ
*چاگەنە کېشو هۊنیێکۍ لەنگا و ۋاچېۋە دۋە بڕگەییە کەمەنە، کە بەس (باڵا) چاگەنە گونجېیۊ و ۋاتا بەخشۊ ؛ باڵاو یارۍ پېسەو چناری بەرزا و جۊتە زوڵفۍ پېسەو ماری شۊڕۍ بېینۍ و تاڵۍ قژاش پېسەو تۇلەمارا هەزارانەنۍ.
** چاگەنە کېشو هۊنیێکۍ لەنگا و ۋاچۊ (دەستەی) زېیاڎېنە و نەبېیەیش هیچ چە ۋاتاو هۊنیێکۍ ن.مەفاڕۊ.
[1]