#بېسارانی#
ڕۊیێ سوپای کوفر دیم نە دەوری دین
دڵ دەر لاد کافر، پشت کەرد نە یەقین
زوننار وست نە دۊش ناقۇس گېرت بە دەست
شی نە خاکی پای پیری مەیپەرەست
جامێ جە شەراب عەشقی بت نۊش کەرد
حەرفی دین جە لەوح دڵ فەرامۆش کەرد
ڕۇم کەرد نە ڕۇی دڵ خەیلێم کەرد مەنا
کۍ بەردەن وەسای بتپەرەست پەنا؟
پېسە بېپەروا وېنەی پەروانە
وېت مەدەی نە شەوق سەیری بتخانە؟
دڵ وات بەو کوفرە نە دین بەستەن دەور
من بېزارەنان جە دینت بەی تەور
سوب جە بتخانە دەرۇن پڕ جە جۊش
شېوەی شیرینی بادەی بادەنۊش
خاستەرەن جە دین ڕېیاکەردەی تۊ
ڕەنجی ئاخر، هیچ بەر نەوەردەی تۊ
[1]