#بېسارانی#
ڕۊیێ کوفر دیم، ڕۇی ئیمان مەگېرت
دڵ جە دین بەرشی، دینی تەرسا گېرت
پشت کەرد نە مەزهەب، عالمانی دین
ڕۇ نە بتخانە زوننار بەست یەقین
ناقۇس گېرت بە دەست، سازی گەبریی ژەند
ئیمان دا بە کوفر، دینی تەرسا سەند
واتم هەی دڵە بېپەروا جە گشت
کۍ جە دین بەرشی، ڕۇ کەرد نە کەنشت
گېرتەنت بە دەست سازی نەسرانی
هەر سوب سوجدەی بت بە ناقۇس وانی
دڵ وات بە کەسێ دانا بە گشتەن
بەرشیم جە دینت ڕۇ نە کەنشتەن
هەر سەحەر نۊشای بادەی سافی مەست
حەڵقەی زوڵفی دۊس زوننار بەستەن قەست
خاستەر جە سوجدەی ڕېیا بەردەتەن
ڕەنجی سەد ساڵەی جێ نەوەردەتەن
[1]