#یەکێتیی نیشتمانیی کوردستان# هۆشداریداوە بە لایەنەکانی هەرێمی کوردستان، بەوەی نابێت وەک هاوسەرۆکی حیزبەکە پێشوازی و کۆبوونەوە لەگەڵ #لاهور شێخ جەنگی# بکەن.
دوای سەردانی لاهور شێخ جەنگی هاوسەرۆکی پێشووی یەکێتی بۆ گردی زەرگەتە و کۆبوونەوەی لەگەڵ بەرپرسانی #بزووتنەوەی گۆڕان#، یەکێتی لە ڕێی سەرکردایەتییەوە پەیامێکی بۆ ئەو حیزبە و چەند لایەنێکی تریش ناردووە.
لە پەیامەکەدا بۆ لایەنەکان، یەکێتی هۆشداریداوە بەوەی نابێت وەک هاوسەرۆکی یەکێتی پێشوازی و کۆبوونەوە لەگەڵ لاهور شێخ جەنگی بکەن، بەڵکوو دەبێت لەدەرەوەی یەکێتی مامەڵە لەگەڵ ناوبراو بکەن.
جگە لە پەیامە هۆشدارییەکە، یەکێتی لە پەیامێکی تردا داوای ڕوونکردنەوەی لە بەرپرسانی گۆڕان کردووە و جەختیکردووەتەوە، ئەوان ڕازی نین وەک هاوسەرۆک مامەڵە لەگەڵ لاهور شێخ جەنگی بکەن. [1]