#بېسارانی#
یاران شکاف کەرد، یاران شکاف کەرد
نېشی چەم، پەردەی دەرۇن شکاف کەرد
دەرۇنم سەرڕېژ هۇناوان ساف کەرد
دۇ دیدەم جە هۇن، چۇن چەمەی تاف کەرد
درەختی شادیم جە بېخدا پەی کەرد
وەجاش دەستنیشان نەمامی وەیکەرد
وە سەنگی بەڵا، لێم ستېزە بی
مینای ئەرواحم، ڕېزەڕېزە بی
هەر یەند بەڵای خەم، وەنەم بېیەن بار
گشت نەپېوارەن، یەکێ نادېیار
ئەر زەڕڕەی خەمم ئاشکارا بی
سا ئاڵەم تەمام، ڕۇش نە سارا بی
[1]