ناڤێ وی یێ ب تمامی ئەحمەد مەحمودە و ب ئەحەی خولە سنەیی یێ بەرنیاسە، ل ساڵا 1923 ل تاخا سەرشەقام یا باژێڕێ سلێمانی یێ ل ماڵباتەکە هەژار و دەست کوورت ژدایک بوویە. ل دەستپێکا ژیێ خوەدە و ل زاروکیێ ئەحمەد شەماڵ ژ ئالێ ماڵباتا خوە ڤە دێ ل حوجرەیێ ژبۆ خوێندنا قورئانێ هێتە دەیناندن لبەر کوو د وی سەردەمەی دە حوجرەیان هەوادارێن زور هەبوویه، ب ئەگەرا هەژاری و نەداریێ واز ل خوەندنێ ئینایە و دەست ب کارکرنێ کرییە و ئاوارەیێ باژێڕێن دەردۆرێ سلێمانی یێ بوویه، خەم و کوڤان و دەردەسەری دێبنە پشکەک ل ژیانا ڤی هونەرمەندێ ژێهاتی، ئەحمەد شەماڵ هەر ل سلێمانی یێ ژیانا هەڤژینی یێ پێک دئینیتن و شەش زارۆکێن خوە هەنە چار کوڕ و دوو کەچک ئەنجامێ ڤێ هەڤژینی یێ بوونە بناڤێن جەمال و جەلال و جەزا و شەماڵ و ناسک و بەناز.
ل ساڵا 1953 ئان دە دەست ب کارێ خوە یێ هونەری کرییه، پشتی کوو خەلک هێدی هێدی گوهبیستی دەنگێ ڤی هونەرمەندەی دبن و دناڤا گوهداران دا دێ هێتە ناسین گوهدارێن تایبەت دێ بدەست خوەڤە ئینیتن،تەڤی زوربەیا هونەرمەندێن سەردەمێ خوە ستران گوتینە، وەکە محەمەدێ ماملێ و حەسەن زیرەک و عەلی مەردان.
ب مخابنی ڤە هونەرمەندێ مەزن ئەحمەد شەماڵ ل ڕۆژا #03-04-1997# دە ل باژێڕێ سلێمانی یێ پشتی هەیامەکێ درێژو ژیانەکا تژی نەداری ێی ب ئەگەرێ نەخوەشییەکە درێژخایەن گیانێ خوە ژدەست دا و هەر ل باژێڕێ سلێمانی یێ ب ئامادەبوونا خەلکەکێ زور و گوهدارێن خوە هاتە بخاک سپاردن. ل ساڵا 2016 ئان دە د ساڵیادا وەغەرا داوییا ویدە #تەها ڕەسوڵ# یێ پەیکەرتاش پەیکەرەکێ ئەحمەد شەمال بدەستێن خوە دروست کر و هەر ل زێدێ وی ل باژێڕێ سلێمانی یێ هاتە دەینان. [1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 472 جار بینراوە
ڕای خۆت دەربارەی ئەم بابەتە بنووسە!