ناونیشانی بابەت: شەڕی چاڵدێران و زینی وەرتێ و چەند ڕاستییەک
ئامادەکردن: عەزیز حاجی نواوەی
دوژمنانی کورد لەو تەجروبە سەرکەوتووەی خۆیان لەفێڵ و فریودانی کورد ناماف نین دووبارە و چەند بارەی بکەنەوە بەڵام بۆ کورد ماڵ وێرانییە.بۆ سەرکردەکانی حزب کەهەمان تامی سەرۆک هۆزەکانی ئەوێ دەمێ دەدەن و شەرمەزاری و بێ ئابڕوییە دووبارە فریو بخۆن.
دەمەوێ بە یەکەوە ئاوڕێک لە ڕووداوێکی تاڵ و کارەسات باربۆ کورد لە مێژوودا بدەینەوە کە ئەویش شەڕی چاڵدێرانە، کە لە 22ی ئابی 1514 لە باکووری ڕۆژاوای ورمێی کوردان لەنێوان دوو زلهێزی ناوچەکە (عوسمانی و سەفەوی) دا ڕوویدا، ئامانج لەو ئاوڕدانەوەیە دیاریکردنی لایەنی ماف و نامافی ئەو دوو دوژمنە نییە مەبەستیش ئاماری هێز و چەک و غەنیمەت نییە. بەڵکوو ئاشکرا کردنی ڕۆڵی کورد و فرتوفێڵی دوژمنانە لە کورد و کاریگەریی ڕووداوەکەییە لەسەر ژیان و مان و سەروماڵی کورد.
سەرەتای ئامادەکاری شەرەکە لەلایەن سوڵتان سەلیم یاوەزی عوسمانی دەستی پێکرد دوای ڕاگرتن و بەربەستی بەهێز لەنییە.ی فراوانخوازی تورکەکان ڕووەو ئەوروپا بەهەمان دروشمی جیهادی ماف ڕووی کردە داگیرکاری وڵاتی فارس کە بەحساب هەردوکیان ئیسلامن لەڕێگای ڕاوێژکارێکی کورد بەناوی مەلا ئیدریسی بەدلیسی هەستا بە فریودان وەدەستخستنی پشتگیری و نۆکەری 16 سەرۆک خێڵ کە جۆرێک لە خۆبەڕێوەبەریان هەبوو دوای ڕوخانی ئیمراتۆریەتی مەزنی ماد ئەم سەرۆک خێڵانە هەرچەند خاوەن کۆدەنگیەکی یەکگرتوو نەبوون بەڵام سەربەخۆیی خۆیان پاراستبوو لەڕێگای ئەم مەلا نۆکەرە بێگانە پەرستە بە بەڵێنی پشتگیری سوڵتان لەپاراستنی کوڕ و نەوەکانی سەرۆک خێڵەکان لەدەستەڵاتی سەرۆکایەتی خێڵەکان پشتگیری سەربازی و مادی سەرۆک هۆزەکان بۆ سوڵتان سەلیم دابینکرد لەشەڕەکەدا. ئەمە بۆ دەوڵەتی دوژمنکاری فارسیش هەر ڕاستە واتا خولاسەی کەلام شەڕەکە بەخوێنی کورد لەسەر خاکی کورد و بە لەت بوونی کوردستان بۆ دوو بەش کەسەرەتایەک بوو بۆ بوونی بە چواربەشی، دوژمنانی کورد لەو تەجروبە سەرکەوتووەی خۆیان لەفێڵ و فریودانی کورد ناماف نین دووبارە و چەند بارەی بکەنەوە بەڵام بۆ کورد ماڵ وێرانییە.بۆ سەرکردەکانی حزب کەهەمان تامی سەرۆک هۆزەکانی ئەوێ دەمێ دەدەن و شەرمەزاری و بێ ئابڕوییە دووبارە فریو بخۆن بۆ بەدەستهێنانی پشتگیری لەکوڕ و نەوەکانیان لەسەرۆکی حزب یان سەرۆکی هەرێم و خۆبەڕێوەبەری جاشایەتی و نۆکەری بۆ سوڵتان ئەردۆغان قبووڵ بکەن.
=KTML_Bold=با بەراوردێکی لۆژیکی وردی ئەوێ دەمێ و ئێستا بکەین=KTML_End=
1- لەڕوی ستراتیژی فراوانخوازی سوڵتان سەلیم و ئەردوغان هەردوکیان لە ئەنجامی نەوێران و ترس و ڕێگری ڕووەو ئەوروپا ڕووی داگیرکاریان چاوبڕینیان بووە لەگەڵانی دراوسێیان هەردوکیان دروشمی ئایینی درۆزنانەیان بەکارهیناوە یەکیان بەناوی جیهادی ماف و ئەردۆغان بەناوی فەتح و کۆمەڵێ ناوی ئایینی بۆ فریودان و بەکرێگرتنی پیاوی ئایینی ناحاڵی و دین فرۆشی. ئامانجی هەردووکیان خوێن ڕێژی بووە لەناو ئومەتی ئیسلام.
2- لە ڕوی دوژمنکاریی گەلانی دەوروبەریان لە ڕوانگەی هەر دوو سوڵتان (سەلیم یاوز و ئەردۆغان) قەڵاچۆکردنی نەتەوەکانی دەوروبەریان (ئەرمەن - کلدان - ئاشوری - کوردەکان) بێ حساب کردن بۆ ئایین و سونی بوون و بیروباوەڕیان قەدەغەکردنی زمان بۆ قسەکردن و لێدوان و نووسین و خوێندنیان تێکدانی گوند و گۆڕینی دیمۆگرافی ناوچە داگیرکراوەکان و تێکدان و تەقاندنەوەی مزگەوت و تاتە بەردەکانی نوێژکردنی کوردەکان و لەبەرانبەردابنیاتنانی مەلهاوباڕ و ڕازاندنەوەی کۆشکەکانی سوڵتان و حەرەم سەرای کۆشکەکان بەتاڵان بردنی کەلەپور و مێژووی گەلان و گۆڕینی دێموگرافی و نانەوەی ناکۆکیی خێڵەکان گوندنشین و شارنشینەکان مەزهەب و تەریقەتەکان... هتد.
3- لە ڕوی ئابووری و چاوچنۆکی و تاڵانچییەتی هەردوو سوڵتان کۆکردنەوەی باج و خەراجی زۆر و بەتاڵان بردنی مەڕو ماڵات و دەغڵ و دان و تەنانەت بەڕوو لەچاڵ دەرهێنان و گۆڕینی سەرچاوەکانی ڕووبار و وشک کردنی سەرچاوەکانی ئاو و بە تاڵان بردنی نەوت و غاز بەناوی ئابووریی سەربەخۆ و کوڵاو لەسەرنان و بڕینی سامانی ناوخۆ لەقالپدانی چالاکی ناوخۆ و بەفیڕۆدانی، فەوتاندنی بەرهەمی ناوخۆی وڵات و سووتاندنی ڕەز و باغ و بڕینی زەیتون بە سوتماک کردنی خاک... هتد
4- لەڕوی کۆمەڵایەتی و تێکدانی هەستی یەک بوون و نەتەوایەتی دوای شەڕی چاڵدێران بەپێی ڕێکەوتنی هەردوو دوژمن کوردستان بوو بە دوو بەشی دوو سنووری تەواو جیاواز لەکلتورو ئایین و زمان، ئەمە لەهەردوو بەرەی دوژمن زۆر هۆز بوون بە دوو بەش وەکوو هەرکی و بڵباس... وە زۆر لەسەرۆک هۆزەکان چ لەترسان چ بۆ پارە و یٔیمتیاز و لەبرسان ڕەگەزی خۆیان گۆڕی و یان بوون بە فارس یان تورک وە ڕەچەڵەکی خۆیان دەبردەوە سەر ئیمامێک. ئەمەی کرۆکی بابەتەکەیە مێژوو دووبارە دەبێتەوە تورک لەڕێگای هەمان تاکتیک دەیەوێ شەڕی گەورە لەسەر خاکی کوردان بەڕێوەببات بە مژدانەدان بە ئەمریکا کە کێشە بۆ ئێران درووست دەکات بەڕاکێشانی ڕەئی ئیسلامی سوونی کەگوایە شەڕی بەرتەسک کردنەوەی هیلالی شیعی دەکات لەناوخۆشی کەدوای لەناوبردن و جینۆسایدی گەلی ئەرمەن و کلدان و ئاشووری نۆرەی کوردە بۆ سڕینەوە و لەناوبردنی بەپاڵپشتی دروشمی فریودانی یٔاینی و بیروڕای جیای و ڕەگەزی و تەنانەت مرۆڤی کە دەمێکە دەڵێن کورد جنۆکەیە. یان ناویان ناوین تورکی کێوی (چیایی) ئەمە بۆ ئەوەی وەک ئەرمەنەکانیش لەسەر پاکتاوی نەتەوەیی بەجینۆساید ئەژمار نەکرێ لەناوبردنی کورد بۆ ئەوەی بەمردویش ناوی کوردی نەهێنرێ...
بۆیە دەبێ تاکی کورد بەتایبەت خواناس و زاناو پیاوانی یٔایین شێرگێڕانە بەگژ پلانی دوژمندا بچنەوەو بانگەوازی جیهاد بکرێ لە دژی تورک و داگیرکاری و ئەو هێزە داعش و مورتەزەقانەی کەدەیانەوێت قەندیلی پێ داگیربکەن و تاهەتایە ئەم هێزە نامۆیە بەدین بە زمان بەکلتور نیشتەجێ بکەن وە نابێت لەژێر هەربیانوێک لەسەرکردەی حزبەکانی کورد قبووڵ بکرێ ئەم بێ عیزەتییە ئەم ڕاوە کوردە یٔەم خاکفرۆشی و بەتاڵان بردنی سامانی وڵات و دەستەپاچییە باچیتر چاویان لەدەستی دوژمن نەبێ حوکمڕانی کوڕ و نەوکانیان دەستەبەربکات باڕۆڵەکانیان فێری پاکی و وڵات پارێز و گیانفیدای خاک و خەڵک و خودا بکەن بازامنی پاراستنی دەسەڵاتیان لەگەڵی خۆیان داوابکەن با یەکێتی و یەکبوون و کۆنگرەی نەتەوەیی ساز بکەن با لەدەرگای ماڵە هەژارانی کوردستان بدەن دەرگای فەرموو فەرموو بۆ داگیرکەران بەیەکجاری دابخەن. [1]