ناڤ: ئەنوەر
ناڤێ باب: تاهیر خدر
ناسناڤ: مەلا ئەنوەر - موسیقا ژەن
ساڵ و جهێ ژدایک بوونێ: 1941 - #کۆیە#
روژ و جهێ مرنێ: #14-01-1996# - کۆیە
$ژیاننامە$
ناڤێ وی (ئەنوەر تاهیر خدر)ە، ساڵا 1941 ل کۆیە و تاخا قەڵا ژدایک بوویە، خوەندنا سەرەتایی و ناڤەندی ل کۆیە بوویە، ساڵا 1959 دێچتە بەغدا ژبو خوەندنا پەیمانگەها هونەرێن جوان ل بەغدایێ ، ئێەکەم قوتابی یێ کورد بوویە ل پەیمانگەها هونەرێن جوان کو ئامێرێ (قانوون) ب ئەکادیمی بخوینیت، دەستپێکێ ل پشکا کلارنێتێ یێ هاتی وەرگرتن بەلێ ژبەر هندێ کوو جگارەکێش بوویە نکارییە لسەر ڤی ئامێرەی یێ بەردەوام بیت و پشتڕە ئامێرێ قانوونێ یێ هەلبژارتی، ساڵا 1962 پەیمانگەهێ خلاس دکەت و هەر ل وێ ساڵێ بوویە ماموستایێ هونەر ل قوتابخانا غەزالی یا #کەرکووک#ێ، پشتڕە دبیتە ئەندامێ #تیپا موسیقیا سۆلاڤ#، هونەرمەندێ ئاواز دانەر بوویە و ئاواز ژبو سترانبێژ عەلی عەزیز دانایە ژبو سترانا (بۆ ئەو یارە لێم زیزە)، هەروەسا ئاوازا سترانا (هەر تۆم خۆش ئەوێ) ژی یا مەلا ئەنوەرە. د دەمێ کوو ل تیپا مۆسیقییا سۆلاڤ بوویە دوستایەتییەکە بهێز تەڤی هونەرمەند (شەوکەت ڕەشید) درووست کرییە، ساڵا 1963 لسەر پرسێن نەتەوی ل کەرکووکێ هاتە دەستەسەر کرن، ساڵا 1964 ل کەرکووکێ ژیانا هەڤژینی یێ پێک دئینیت، پشتی مانەڤا 5 ساڵی ل کەرکووکێ و ل ساڵا 1967 ئێەکجاری دڤەگەڕت ژبو کۆیە و وانەیا هونەر ب زاروکێن باژێڕێ خوە دبێژیت و دهەمان دەمیشدا ئەندامەکێ چالاکێ #تیپا مۆسیقیا باواجی# یا کۆیە بیت، مەلا ئەنوەر ئەندامێ کۆمەڵەیا زیندی کرنا هونەرێن جوانێن کورد بییە ل کۆیە، پشتڕە ئەڤ کۆمەڵەیە بوویە تیپا باواجی یا کۆیە. بەردەوام کارێ هونەری یێن ستران و موسیقا ل کۆیە پێشکەش دکر، د #01-03-1972# وەزارەتا ڕۆشنبیرییا ئیراقێ موڵەتا یاسایی دایە تیپا باواجی ، هەر دڤێ ساڵێدە کارین ل ستۆدیۆیا ژمارە 2 یا تەلەڤزیۆنا بەغدایێ یازدە سترانین لایڤ تۆمار بکەن، هونەرمەند مەلا ئەنوەر دهیامێ کو قوتابیێ پەیامانگەها هونەرێن جوان ل بەغدایێ بوویە تەڤی هونەرمەند زاهیر محەمەد دچتە ڕادیۆیا کوردییا بەغدایێ ژبو تۆمار کرنا کاری هونەری، کو ژ ئالێ لیژنەیا هەڵسەنگاندنێ دهاتنە پێشوازی کرن، ئەندامێن لیژنەیێ (عەلی مەردان- ئەحمەد خەلیل- نازم نەعیم) بوون ، هونەرمەند ئەنوەر تاهیر وەکە ستران بێژ ڕەزامەندی لسەر دەنگێ وی هاتە دان کو سترانان ژبو تۆمار بکەن، هەر دوێ ڕوژێدە هونەرمەند عەبدوڵڵا دڵسۆزیش هاتە پەسند کرن، هونەرمەند ئەنوەر تاهیر و عەبدوڵڵا دڵسۆز چەند سترانەک ژبو ڕادیۆیێ تومار کرن، مەلا ئەنوەر د ماوێ ژیانا هونەریدە زور هونەرمەند پێڕاگەهاندینە، ستوونەکا بهێز یا تیپا باواجی بوویە.
ل 14-01-1996 ماڵئاڤاهی ل ژیان و هونەر کر و ل گوڕستانا کۆیە هاتە بخاک سپاردن، د ژیانا هەڤژینیێ دە خودیێ دوو کوڕ و سێ کچان بییە، زانا ئەنوەرێ کوڕێ وی ڕییا پیرۆزا بابێ خوە یا گرتی و ژەنیارێ ئامێرێ قانوونێ یە.[1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 399 جار بینراوە
ڕای خۆت دەربارەی ئەم بابەتە بنووسە!