$Agahiyên şehîd:$
Nav paşnav: Bayram Kûzû
Nasnav: Bager Serxwebûn
Cihê jidayikbûnê: Mêrdîn
Dayik-Bav: Azîze-Yûsûf
Dem û cihê şehadetê:08-05-2021 / Mêrdîn
$Kurtejiyana şehîd:$
Hevrêyê me Bager Serxwebûn li navçeya Qoserê ya welatparêz a Mêrdinê ji dayik bû, bi hezkirina mezin a welatparêziyê mezin bû. Li herêma Mêrdînê di atmosfera têkoşînê ya Gerîlayên Azadiya Kurdistanê de timî dixwest gerîla bibîne, nas bike û rojekê bibe gerîla. Bi hesreta li gerîla û çiyayên Kurdistanê dest ji zanîngehê berda û tevlî nava refên gerîla bû, ku hêza parastinê ya rewa û temînata jiyana azad a li Kurdistanê ye. Piştî ku tevlî bû, gerîlatî ne tenê weke rêbazeke têkoşînê, lê belê bi gotina Rêber Apo weke 'rêbaza xweîfadekirina mirovên azad' nirxand û bi hezkirineke mezin tevlî nava vê jiyanê bû. Bi perwerdeyê, xwe di felsefe û îdeolojiya Apoyî de kûr kir. Hewl da ku pîvanên PKK'ê di her kêliya meşa şoreşê de bixe meriyetê. Bi rêbaza xwe ya tevlîbûnê ya bi kedkarî, sade û cehwerî, li gelek qadan kar kir. Tecrûbeya xw eya gerîla li Akademiyên Apollon bi perwerdeyê bêhtir xurt kir, di xeta gerîla ya sedema nû de bêhtir şareza bû û weke fermandarekî derbasî eyaleta Mêrdînê. Hevrêyê me Bager weke fermandarekî gerîla li xaka ku lê ji dayik bû vegeriya û di pratîka Mêrdînê de bi rola pêşengiyê rabû. Heta şehadetê ji sekn û tevlîbûna xwe ya cewherî tawîz neda.
.[1]
ئەم بابەتە بەزمانی (Kurmancî - Kurdîy Serû) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî - Kurdîy Serû) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە 351 جار بینراوە
ڕای خۆت دەربارەی ئەم بابەتە بنووسە!