نۊباو:
ئاودارای باخەکا جە هۆرامان بە میکانیزمێ ڕېک و پېک پەنەش ماچان (نۊباو) ، پېسە باوێ کومەڵی مەرزیانەرە، هەرچن ملکەچ نېیەن پەی هیچ یاسێوە، چەنی ئانەیچە بە ڕېکوپېکی ملۊ ڕاوە، نزیکەو یەک سەڎەیەن پا تەشکە مەویەرۊن بەبۍ ئانەی هیچ کەسێ سنوورەکەیش بەزنۊ، ئانەیچ مەلامەتێن پەی نەبېیەی گرفتو جەنگ و جەڵەبەی مېیانو باخدارەکانە.
جە هۊرامانەنە، ئاوی بە دوۍ شېوازۍ دابەشە کریۊن ملو باخەکارە:
1-دابەشکەردەی بەپاو سەعاتۍ:
گرڎ باخدارێ بەپاو فرەیی و کەمی باخەکەیش، بەپاو دووری و نزیکیش جە سەرچەمەو ئاوەکېوە، چن سەعاتێ ئاویش پەی دیاری کریۊن، گرڎ باخدارێ چا سەعاتانە کە پەیش دیاری کریێنۍ ئاوەو باخەکەیش مڎۊ.
2-دابەش کەردەی ئاوۍ بەپاو شەو و ڕۊی و جووڵەو ۋەری:
ئی شېوازە زیاتەر چا باخانە پاڕەو کریۊ کە ئاویشا فرېنە، سەعاتەکۍ زیاڎکریا پەی شەو و ڕۊی، یانی باخدارێ یان چن باخدارێ یەک شەوی تەمام ئاویشا پەنە مڎریۊ پەی دارای، باعزێ تەرشا جە ڕۊنە ئاوەکۍ وزارە ملو باخەکاشارە.[1]