ئابووری سیاسی
زانستو یاساکا بەرهەم ئاردەی و دابەش کەردەی بەروبومە مادیەکا دلۍ قوناغە جۊرە جېیاوازەکا گەشەکەردەی کومەڵو ئادەمیزادینە.
ئابووری سیاسی چەنی فاڕیای سیستەمە کومەڵییەکا، ئاڎییچ شکڵێ تازەش گېرتەن، سیسەتمو کویلایەتینە (بەڼایەتینە) هېزو کارو کویلەکا بنەماو ئابووریش دیاری کەردېنە، دلۍ سیستەمو فیوداڵینە زەمین و کشتیارەکۍ شکڵو ئابووریشا دیاری کەردەن، ئارۊیچ چی سیستەمە تازەو سەرمایەدارینە هۊکارەکۍ بەرهەم ئاوەردەی و هېزو مەچەکا و ڕۊشنایی ئاوەزو هەرمانبەرەکا بنەماو ئابوورینۍ.
سیاسەتو حکومەتەکا بە چ ئاراسێوە بلۊ، ئابووری وەڵاتەکەیچ هامڕا گنۊ شۊنیش، بە پېچەوانەیچۆ بنەما ئابووریەکۍ هەر وەڵاتێ، میکانیزمو سیاسەتو ئا وەڵاتەیە دیاری مەکەران، گەر ئی هامشانیە مېیانو ئابووری و سیاسەتینە پېسە یۊی نەبان، ئانەبە ڕادێ فرە نزکېنۍ جە یۊی.[1]