تاکو چەنەم ئەسا، هەزار قیرۍ سېیاوۍ چەرمۍ بیۍ
قیرە، مادېوە ڕەنگ سېیاوەن، بەکارش ماران پەی ڕا و بانی، پەی ئاسان کەردەی ئام و شۊی، پەی دوور ۋستەیۆ تەپ و تۊزی.
قیرە هەرگیز چەرمۍ نمەبۊن، بەڵام پېسە ئیدیۆمێ بەکار ئامان پەی هەرمانێ کە زەحمەت کریۊن، زېیاتەر پەی ڕازی کەردەی کەسێ، یان وەرگېرتەیۆ قەرزێ.
پەی نموونەی گەر کابرێوە بڕێ زەڕش لاو کەسێوە بۊن، داواش کەرۊوە، بەڵام کەسەکە مل نارۊ ڕاسە، هەر دەسی دەسیش پەنەکەرۊن، بە هەر تەرزێ بۊن چەنەش پسانۊوە، ماچۊ٫ هەتا قەرزەکەم چەنە ئەساوە، هەزار قیرۍ سېیاوۍ چەرمۍ بیۍ.
یان پەی داواکاری ژەنێ، هەرچن هۆڵۍ مڎان تاتەو کناچەکۍ ڕازی نمەبۊن، بەڵام دماجار ڕازیش کەران، ئیتر داواکار ئی ئیدیۆمی ماچۊ، تاکو ڕازیما کەرد، هەزار قیری سېیاوۍ چەرمۍ بیۍ.[1]