هۆرامییەکا وەرمەنە هۊرزدۍ ئڼا جیامەندۍ
بەداخۆ مودېوە فرەن تەماشەکەرو، وە چن چېوێ موینو، پاسەش سەرکەردەنا کە ویری کەرۇۋە کە چی مشیۊ پاسە بوو! یانی هەر بەڕاسی تاکی هۆرامی نمەزانۊ حسابش پەی نمەکریۊ؟ ئی گردو چېوا جە کاڵ بیەوەی فەرهەنگیش، زوانیش، بېیەیش و هەتا دمایی گردی مەوینۊ، چی هیچ کەسێ نېیا قسێ کەرۊ؟ ماشەڵڵا خۊ ئڼە پاڵەوانۍ هۆرامیۍ فرینۍ کە نازنامۍ هۆرامیشا ئینا پەشتەو نامەکیشاوە و دلی حیزب و حکومەتی و یاگەکا تەرینە یاگی ویشا گیرتېنە ماچی ئینی ئەر گەرەکشا بۊ گردو هۆرامانی مسانا! هەربەڕاس ئینەن هۆرامی کە ماچا وەڵتەر هۆرامی پېسە بېیەن و پاسە بېیەن، تاکەی هۆرامیۍ مشیۊ وېیەردەنە بژیوا؟ ئۆسا ئانەت بېیەن و ئینەت بېیەن، ئیسە چېشت هەن؟ ئەی ئانۍ وېشا بە سەرکردەو دەم ڕاسو هۆرامیا مزانا چکۊنی؟ وەنەتا نمەشاروۋە کە ئی جیلە تاکو مەنو هەرچی ڕوە بڎۊ هەڵای کەما، پاسشا بە جیلو تازەیچ کەردەن گەر یۊ قسێ خێرۍ کەرون ماچان بەتاڵەنی، چېشا تویچ گەرەکتا دەس کەری واردەی؟! زاندی چی ئینەی ماچا؟ ڕاس ماچا چوون هەرکەسی مەوینی ئامان و دەسش کەردەن ماستاو کەردەی و نان واردەی سەرو هۆرامانیۆ، ئیسه ئەر بنیشیره چەنیشا نەک نمازا هەوڵی دەی پەی ئاوەڎان کەردەیۆ هۆرامانی، مەیا پەی گېیانیچت، بنیشەرە با حەیاما نەشۊ، بە ئېمە نەکریا بە تۊ کریۊ؟ هەزار چېوی تەرۍ.
دما قسېچەنە ماچوو هوربېزدی ئڼا وەختێ مەی وەرۆ ئیتر قسەکەردەیچ فایڎەش نېیا.
ڕېبوار هۆرامی.[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 297 جار بینراوە
ڕای خۆت دەربارەی ئەم بابەتە بنووسە!