دوېشان فرېنۍ و یۊشان کەمەن
قەوم یان عەشرەتی چامنە هەن، هەرمانەشان تەنیا جەنگ و ئاژاولۍ و پېیاخرابېیەن، هەر یاگێنە بان هەر خەریکۍ فیتنەی و ئاشووبینی، خەڵکی کەران گژۍ یۊیرە، ماڵو خەڵکی موەران، مەگنا شۊنەو خەڵکە دەسەڵاتدار و زەڕدارەکا، بەڵام چەنی خەڵکە بە ئەدەب و قەدردارەکا بۍ ئەدەبی کەران، جەنگ ۋرەشان، هەڕەشۍ کەران.
هەر یاگێنە بان، مەبانۍ بە گرفت پەی خەڵکو ئا یاگۍ، وەختێ خەڵک ماچۊن دوېشا فرېنۍ، یانی ئڼە سەر بە ئاژاولېنی دوۍ کەسېشان بەشو دەگێوە کەران، یان دوېشان دەرەقەتو عەشرەتێ مەیان، بەڵام یۊشان کەمەن، یانی وەختێ دەسەڵاتشان کەم و زاییفەن، زەلیلۍ و تەرسەزاڵېنۍ و گرڎ کەس دەرەقەتشان مێ.[1]