ئەرشف کەردەی گورانیە هۆرامیەکا
پەی مەنەیۊ و پارېزنای گورانیە هۆرامیە ڕەسەنەکا، سېیاچەمانەو تەمامو بەزمەکا، پەی پارېزنای دەنگ و سەڎاو ماموسا عوسمانی و ماموسا حەمە حسەینی و ماموسا شەفیعی و ماموسا جەمیلی و ماموسا سەباحی و گردو ماموسایەکا، پېویسەن ئەرشیفش بکریان.
ڕېزدار کاک (تایەر عەلی وەڵەد بەگی ) ئەرەنیشتەو دەگاو (نوریاو) ی چی دیمانەنە باسو ئانەیەکەرۊ هەکە 45 ساڵێن شریتەکاو هونەمەندی وەشەویس عوسمان هۆرامانی و هۆرگېرۆ ئەرشیف کەرۊ، زیاڎ جە (100) یانېش کەردێنێ چەنی ئانەیە لوان (200) لادەگێ بەقسێ وېش تاکو ئا ئەرشیفە گۆرەشە پېڎا کەردەن، بائیمەیچ ئەرشیف دەگاو کەلتورو ئەدەب و ڕازەو ئەدەبو گېڵانایۆ ئەرشیف کەرمۍ.[1]