مزگی وڕۊ، میحرابش مەنۊ
میحراب ئینا دلۍ مزگینە، بەشو وەریۆ، یاگۍ مردارەی ئیمامی پەی قامەتو وەرنمایی. ڕەنگە مزگیەکەیچ وڕۊ، فرە زەرەر نەیاوۊ بە میحرابەکەی، پېسە واتما چوونکوم ئینا دلېوە.
ۋڕای مزگی و مەنەی میحرابی، پېسە ئیدیۆمێ بەکارئامان پەی زەریفی ئینسانی، گرڎ کەسێ وەختێ مەیاوۊ تەمەنو پیری ئیتر ئەڼامۍ لاشەیش زایېفۍ مەبانۍو ڕەونەق و جوانیەکەو جارانیشان جە دەس مڎان.
بەڵام کەسی زەریف یان ژەنەی زەریفە تاکو خایتێ هەر بەشێ جە زەریفی و خان و مانییەکەیش هەر مەنۊ.
وەختێ تەماشەو ژەنێ بە تەمەنۍ کەران کە نوورانیە و ڕېک پۊشەنە، یەکسەر ماچان: ئینە بە گەنجی فرە زەریفە بیېنە.
بڕێ جارېچ کەسێ یام نەفەرێ مەگنۊ تاریفدای وېش، ماچۊ من بە گەنجی شانېم پاسەو باڵېم پاسە، ڕاسیچ نمەواچۊ، چا عانەنە کەسێ پەنەش ماچۊ: برا خۊ مزگی ۋڕۊ، میحرابش مەنۊ، یانی ئیسە ئەشیێ کەمێ چا زەریفیەو جارانیت چەنە مەنێوە، هەمدیس پەی ژەنۍ بەکارمێ، ژەنەی زەریفە بە پیریچ هەر میحرابەکەش مەنۊ.[1]