وەلاتێ هندستانێ، د سەرەدانەکێ دا بۆ دیتنا شینوارێن پارێزگەها #دهوک#ێ، د سەرەدانا خۆ دا سۆزا پشتەڤانیێ ل پاراستنا شینوارێن دهۆکێ ددەت.
د.بێکەس بریفکانى، رێڤەبەرێ شینوار و کەلەپۆرى ل پارێزگەها دهوکێ دا دیارکرن: د ەبردەوامیا سەرەدانا شاند و بالیۆزێن وەلاتێن بیانى بۆ دیتنا شینوارێن هەرَما کوردستانێ و پارێزگەها دهوکێ، پراشانت پیسێ بالیوزێ وەلاتێ هندستانێ ل عێراقێ ل رۆژێن بۆرى دا سەرەدانا شکەفتا چارستین یا شینوارى دا و ب دیتنا شینوارێن پارێزگەها دهوکێ زور دلخۆش بوو، هەر ئێکسەر سوزا پشتەڤانیێ ل شینوارێن پارێزگەها دهوکێ کر.
رێڤەبەرێ شینوار و کەلەپۆرى ل پارێزگەها دهوکێ ئه و چەندە ژى دا دیارکرن:د سەرەدانا بالیۆزێ هندستانێ ل عیراقێ بۆ شینوارێ شکەفتا چارستین، بەحس ل کارێ شوینواری و مێژو و گرنگیا شکەفتا چارستین هاتیە کرن و هەر وەسا بەحس ل هەماهەنگی د بوارێ شوینواراندا دۆپاتى لسەر هاتیە کرن، ژلایێ خوڤە بالیوزێ وەلاتێ هندستانێ بەحس ل ئایینێ زەردەشتیان ل وەلاتێ هندستانێ کر.
دۆپات ژى کر: قونسولگەرییا هندستانێ چەند خۆل بو فەرمانبەرێن رێڤەبەرییا مە ئەنجام دا بوون و بالیۆزێ هندستانێ سۆزدا کو خولێن هێزتر دبوارێ گەشتیاری یا شوینواری دگەل رێڤەبەرییا مە ئەنجام بدەن بۆ وێ چەندێ ئەڤ شینوارێن کەڤن بەردەوام د پاراستى بن.[1]
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 403 جار بینراوە
ڕای خۆت دەربارەی ئەم بابەتە بنووسە!