هۆرامیەکۍ چی بېدەنگېنۍ؟
وەشەویسا گردچیوێ کە باس کریو یاگی و وەختش تەئسیرش هەن سەرش، چیگۆ گەرەکما باسو ئانەی کەرو کە مدېوا چن نویسەری و ڕوشنویری دەسشا کەردەن بەنویستەی سەرو مەسەلێ کونی کە جە ئیسەنە باسش ئامانۆ مێڎان جە وەختێنە وەختو ویش که ڕوەشدا ئنە باس نەکریا ئیسە چی باسش کریۊ؟ گرد تاکێ چیوێ وانوە ویرش چەنه کەروه، ئینە چی نویسیان، ئایا یاگی ویش گیرو یا نا، پیسە ئانەی لاو شمۆ ئاشکران جە پانیشتەنە ئی ماوە چن چیوێ ڕوەشا دا کە من چیگەنە گەرەکم نېیا بلو دلی وردەکاریەکەیشۆ، چوون ویرۆکەردەی فرێما بەداخۆ ویری حیزبین نەک ویری ئازادی هۆرامیانە بۊ، هەرچی وچیۊ گیڵناشۆ پەی ئانەی ئی کابرا فڵانە ویرۆکەردۆیش هەن، سەربە فڵان حیزبېیا، چی بەینەنە ئەسڵو مەسەلەکۍ گمە بۊ. من گەرەکم نېیا واچو تاک هەقش نېیا ویری حیزبیش بۊ، نا بەڵام ماچو ویرو حیزبەکەیش تیکەڵو بڕێ چیوا نەکەرۊ، ورەشوشۆ بە خەڵکی جە وەختێنە گردکەس ئازادا چەنی ویری کەرۊوە، ئی مەسەلی ئاوی فرە کیشۊ، ئەر قسێ کەری ئی لای گیرو یا ئۆ لای تویچ وزا هەمان قاڵبۆ، ۋەرو ئانەیە وستەی سارای پەیلواو ویت توزێ قورسا کە وەرانوەرت پیسە وېت چەنەت بیاوۊنە، چن ساڵێ چیوەڵ گۆڤارێنە بابەتێ وەڵابیۆ کە وچیابی هۆرامی زوان نېیا، فڵتە فڵتا، کە سەرنویسەرەکەش کەسېوا کە ئی ماوە مەسەلێش سەر باس کریا و بڕێ ئامی ئینە کە چا وەختەنە باس کریا ئشیێ باسش سەرکریێ بەگەرمی تاکو نەویەرونە و دمای باریش گەرمش کەریۆ و ئیسفاڎەش چەنە کریو، ئا وەشەویسېچە کە چی ماوەنە قسېشا سەرکەردەن چوون وەختەکەش زوو بېیەن یاگی نمەگیرونەو ملو ڕوەو ئانەی کە ئینه بەس پەی ئانەین هۆرامیا بارا دلۍ کیڵە سیاسیەکاوە، چوون وەختو وېشەنە به تەمامی باس نەکریاو کەمپینش پەی نەکریاو سەرش نریاوه، ئەی ئاوەختە وەزیرو حکومەتی بە نامەی ڕەسمی واتش نمەبوو کەناڵی هۆرامی کریوە، چی پېسە ئیسەی باسشا نەکەرد؟ یان ئا گردو هۆرامیا ئینای دلی حیزبو حکومەتینە چی ویرۆکەردەی حیزبیشا نەوست لاوەو هۆرامیانە گرد گلیری نەبیێ تاکو هۆرامانی ئاوەڎان کەراوە. وەختێنە گردما زانمی فرێشا ۋەرو ئانەیە هۆرامی ئینا شونەو نامەکېشاوە ئژناسیای کە فرەیشا بینی بایسو ئانەی کە خەڵک هۆرامانی وزا چیورو پەرسێوە. چۑگەیچۆ ئانەما پەی بەرگنو ئا کەسی کە ئینای دلی حیزب و حکومەتینە زەرەرشا فرەبېیەن پەی هۆرامانی تاکو قازانج، کە فەرزا سەرشاو نە منەتەنەو نە خەیرەنە بە گردو لایەنەکاوە بی جیاوازی، ۋەرو ئانەیە وەختش نېیا ئی چیوی کە باس کریا هەرکەس لاو ویشۆ مەی ماچۊ ئی چېوە حیزبین نەک پەی خزمەتو هۆرامانی، ئینە پەی ئانەین کە هۆرامیەکا بارا دلۍ گەمەکەی و کەراش پېسە دەسکەلای و گەمەکەش پەنە کەرا! گەرەکما واچو کە هەرچی ڕوە مڎۊ پەی ئانەی گېڵۊوە کە هۆرامیەکی یۆگیری نېیەنمۍ، تاکو نەچڵاکیەیمیرەو یۆگیری نەبیمۍ ئی چیوی ڕوە مڎاو چن باریچ باوە، ئازیزا، پەیلواوی دوور جە قسی ناشیرینی وېتا تاودۍ بنویسدۍ، چوون کۊمێنتەو پەیلوای هەر کەسېو ویرۆکەردەی ئا کەسەیە بەرۋزۊ و قسی ناشیرینی لابریا چەنی وەشەویسیما پەی گردلێوە.[1]
ئەم بابەتە بەزمانی (هەورامی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە 477 جار بینراوە
ڕای خۆت دەربارەی ئەم بابەتە بنووسە!