فایەق زەیدان سەرۆکی ئەنجوومەنی باڵای دادوەری، لەگەڵ #بافڵ تاڵەبانی# سەرۆکی #یەکێتیی نیشتمانیی کوردستان# کۆبووەوە و تاوتوێی میکانیزمی پێشکەشکردنی سکاڵایەک و گرتنەبەری ڕێوشوێن سەبارەت بە بۆردومانی #فڕۆکەخانەی کشتوکاڵی عەربەت#یان کردووە.
لە ڕاگەیەنراوێکی ئەنجوومەنی باڵای دادوەری ئاشکرا کرا، ئەمڕۆ پێنجشەممە ڕێکەوتی #21-09-2023# فایەق زەیدان سەرۆکی ئەنجوومەنی باڵای دادوەری لەگەڵ بافڵ تاڵەبانی سەرۆکی یەکێتی کۆبووەتەوە.
بەپێی ڕاگەیەنراوەکە، لە کۆبوونەوەکە لەسەر میکانیزمی پێشکەشکردنی سکاڵا و گرتنەبەری ڕێوشوێنی یاسایی سەبارەت بە بۆردومانی فڕۆکەخانەی عەربەت و شەهیدکردنی ژمارەیەک لە ئەندامانی دەزگای #دژەتیرۆر# لە پارێزگای #سلێمانی# گفتوگۆیان کردووە، بەبێ ئەوەی وردەکاری زیاتر لەو بارەوە بخرێتەڕوو.
ئێوارەی ڕۆژی دووشەممە ڕێکەوتی #18-09-2023#، فڕۆکەخانەی عەربەت بە فڕۆکەی بێفڕۆکەوان بۆردومان کرا و بەهۆیەوە سێ ئەندامی سەر بە دەزگای بەرەنگاربوونەوەی تیرۆری سلێمانی کوژران و سێ ئەندامی دیکەش بریندار بوون. [1]