شین و شاڎیی دەسەوامەن
دەسەوام، یانی کەسێ خاسێوە چەنی یۊتەری کەرۊن، یام هامسێوە چەنی هامساکەیش، ئاڎییچ دمای ماوێ خاسێ چەنی ئېڎی کەرۊن.
دەسەوام، زیاتەر دلۍ شاڎیی و شینینە هەن، نەفەرێ ژەنی مارۊ پەی کوڕەکەیش، یام کناچەکېش شوو کەرۊن، ئا خەڵکۍ هەکە بەشداری شاڎیەکەیشان کەران، دلۍ خیاڵیشانە هۊرشانگېران، هەر وەختێ یۊ چا کەسا کوڕش ژەنی بارۊ، یام کناچېش شوو کەرۊن، ئېڎییچ بەشداری شاڎیەکەو ئاڎییشان کەرۊن.
یام جە وەختو مەردەی و تازیەبارینە، ماچۊ کۍ ئامان پەی پەرسەکېت، تۊیچ لوە پەی پەرسە و تازیەکېش.
هەمدیس میانو هامسایانە بەکارمێ، پېسە مەزانمۍ کاسەهامسایی باوێ جارانی بېیەن، هەم باوێ زەریف بېیەن، فرەو جاری وېرەگانە چاشتی، یام واردێ تاسۊخشان بەردەن پەی هامسایەکاشا، ئاڎییچۍ هەر وەختێ واردەیوە وەششا بیێ پەیشان بەرېنێ، چوونکوم واچېنۍ: ئیتر دەسەوامەن.[1]