نامۍ: حەسەن
نامۊ تاتەی: خدری دوەم
ساڵۊ کۊچی دمایی: 784 ک

$ژیواینامە$
میری ششەمو ئەردەڵانیەکا، حەسەن کوڕو خدری دوەمی.
میر حەسەن ساڵەو (746 ک) سەرو کورسی دەسەڵاتیۆ نیشتەرە کە بە میراتی جە بابایاشۆ پەیش مەنەبێ. پېسە تاتەیش کۆت خزمەت کەردەی خەڵکی و مەملەکەتی، ڕەفتارش جوان بۍ، زیاتەر جە تاتەیش سەرقاڵو هەرمانەکا مەملەکەتی بۍ، سەری ئانەیچۆ بە ویری تیژش تاواش پەی یەکەم جاری یاسانامێوە خاسە پەی مەملەکەتی و سوپاکېش بنیۊرە، بە تەرزێ کە هەر یۊ جە ئانداما سوپێ و ئەنداما دەسەڵاتی سنوورو جم و جوڵو دەسەڵاتو وېشان بزانان، یانی بە یاسا دەسەڵاتو گردیش دیاری کەرد. هەمدیس جە هەنگامێ ئاقڵانېنە دلۍ سوپاو مەملەکەتەکەیشەنە (30) سی هەزار گەنجېش جیێ کەردێ، وستېشەنە چېرو تەمرینی، پەروەردەش کەردۍ پەی پارېزنای مەملەکەتی، نامېش نیێ (پارېزەری وڵاتی) . بەرهەمو ئی هەرمانېشە وەشکەردەی سوپێوە بەهېزۍ بۍ کە چاودمای لەشکەرو عوسمانیەکا نەتاواشان هیچ جەنگێنە پېشڕەفی بکەران، ئیتر نامبانگێ گۆرەش بەرکەرد دلۍ مەملەکەتینە.
میر حەسەن، ساڵەو (774 ک) قەڵێوە فرە مەحکەمەش سەرو کەشێوە بنیاڎە نیا، پانیشتو قەڵاکېوە یاگێش ئاوەڎانە کەردۆو نامېش نېیا (حەسەن ئاوا) ، دیارەن بە نامۍ وېشۆ. تاکو ئیسەیچ پاشماوەو قەڵاکۍ مەنەن. دمای سی و هەشت ساڵا دەسەڵاتیش، ساڵەو (784 ک) کۊچی دمایینش کەرد.
ئەسعەد ڕەشید.[1]