نامۍ: تەیمورخان
نازنام: ئەردەڵانی
نامۊ تاتەی: سوڵتان عەلی بەگ

$ژیۋاینامە$
تەیمورخان، چواردەهەمین میرو ئەردەڵانەکا. ساڵەو (986 ک) هەڵای سوڵتانێ جاگیر و بەهېز سەرو تەختو دەسەڵاتو ئێرانیۆ نەمەرزیابېرە، تەیموخان وەزعەکېش قوستۆ، لوانە پاڵو سوڵتان موراد خانو عوسمانی، داواو کۊمەکیش چەنەکەرد، ئاڎییچ پەشگیریش کەردو مانگانە بڕێ عال زەڕ و ئاڵتوونش بەخشا پەنە. تەیمورخان چوار کوڕېش بېنۍ، زەمینو ویلایەتەکەیش دابەشکەرد ملشارە، وېچش بە سوپێوە گۆرۍ پەلامارەو ناوچەکانو چواردۆرو کوردەسانیش دا، کرماشان، سونغر، دینەوەر، ئاڵاو سەربەۋېییش هۊرکەردە.
ساڵەو (993 ک) وېش و سوپاکېش پەلامارەو قەڵەمڕەو (عومەر بەگو کەلهوڕ) یش دا، قەدەرو خوڎای پاسنەبۍ، دلۍ مێڎانو جەنگەکەینە ئەسپەکەو تەیمورخانی کۆت، وېچش ئەسیر کریا، قۊڵبەس کریاو بەردشانە وەردەمو عومەر بەگو کەلهوڕی، بەڵام بە پېچەوانۆ حورمەتێ فرەو فراوانش گېرت، پېسە میرێ چەنیش جمېوە، بەردش پەی یانەو وېشا، دمایی بە ئیحترامۆ ڕەوانەو کوردەسانیش کەردۆ. تەیمورخان دمای یەرۍ ساڵا دیسان سوپێوەش سازناو جمارە پەری تەمۍ کەردەی خەڵکو (زەڕین کەمەرو گەرووسی) کە وەڵتەر پەلامارەو سوپاکۍ تەیمورخانیشا دێبۍ.
سوپاو تەیمورخانی سەرکۆتە، حاکمو زەڕینی چەنی سوپاکېش وېشا خزنانە دلۍ قەڵێوە مەحکەمۍ، بەڵام وازشان چەنە ناردۍ، لوێنە دلۍ قەڵاکۍ پەیشا، چا وەختەنە تیرێ تەیمورخانش پېکاو کوشتش، بەڵام سوپاکېش وازشان نارد تاکو حاکمو زەڕینی و دوەسەڎ چەکدارۍ جە سوپاکېشا کوشت. دەسشان کەرد بە تاڵانی، هەرچاگە لاشەو تەیموخانیشا بەخاکی ئەسپارا.
ئەسعەد ڕەشید.[1]