ناونیشانی بابەت: ڕێگاکانی ڕێگریکردن لە دووگیانی
بەشی سێیەم: چیلکەی هۆرمۆنی Implanon
ئامادەکردن و نووسین: د. #کەژان کاوە تەها#
ئیمپلانۆن ئامێرێکی بچوکی شێوە چیلکەیی پلاستیکی نەرمە لەژێر پێستی قۆڵ دائەنرێت بە بەکارهێنانی بەنجی خۆجێی و بەبڕێکی کەم هۆرمۆنی پرۆجیستیرۆن دەردەدات بۆ ناو خوێن کە ئەمەش ڕێگری لە پڕۆسەی هێلکەدانان دەکات لەگەڵیشیدا ئەستووری ئەو لینجە ماددەیەی لەسەر ملی ڕەحم هەیە زیاد دەکات کە ڕێگر دەبێت لەچوونە ناوەوەی تۆو بۆ ناو ڕەحم.
=KTML_Bold=لایەنە باشەکانی ئیمپلانۆن بریتین لە:=KTML_End=
1- کاریگەریی سەروی %99یە و بە یەکێک لە باشترین ڕێگەکانی مەنع دائەنرێت.
2- بۆماوەی سێ ساڵ کارئەکات.
3- کەمبوونەوەی خوێن و ئازاری سووڕی مانگانە و لە هەندێک لە خانمان لەوانەیە سووڕی مانگانەیان نەبێت لەگەڵیدا.
4- هۆرمۆنی ئیسترۆجینی تیانییە.
5- بۆ هەموو تەمەنێک گونجاوە.
6- لەکاتی شیرپێدان کێشە درووست ناکات.
=KTML_Bold=لایەنە خراپەکانی ئەمانەن:=KTML_End=
1- پارێزگاری ناکات لە تووشبوون بە نەخۆشییە سێکسییە گوازراوەکان.
2- بۆ لابردنی پێویستە سەردانی پزیشکی پسپۆڕ بکرێت.
3- لە بەشێکی خانمان لەوانەیە زیپکە درووست بکات. [1]